Jo 18:2 - Sơ̆p Hlabơar Nơ̆r 'Bok Kei-Dei

² Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jo 18:2 Iomraidhean Croise

Bl 29:34

Sư đei anăp dơ̆ng kư̆m tơpŭ kơ minh 'nu kon drŏ-nglo, sư khan thoi âu: Đơ̆ng âu kơnh klo inh gô bơwei inh, yua kơ inh đei pơjing ăn kơ sư đei pêng 'nu kon drŏ-nglo boih; yua kơ thoi noh na krao anăn kon sư Lêwi.c

II Ho 30:16

Lu sư oei đơ̆ng 'bơ̆t anih lu sư kơdih, kiơ̆ thoi khôi juăt Môis bơngai Kră Yang 'Bok Kei-Dei tơtă 'bok soi iŏk pham đơ̆ng bơngai Lêwi na tơtreh.

Êsêkiên 44:11

Lu sư gơh bơ̆jang lăm anih hnam akŭm Inh, bơ̆jang wei gak 'măng jang anih hnam akŭm Inh, bơ̆jang lăm hnam akŭm. Lu sư gơh pơlôch tơmam soi 'buh păng lu tơmam soi nai ăn kơ lu kon pơlei; lu sư gô dơ̆ng 'bơ̆t anăp kon pơlei awih awăn kơ lu sư.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Malachi 2:4

Lu iĕm băt boih nơ̆r Inh âu khan kơ lu iĕm, wă kơ tơdrong pơgơ̆p Inh hăm Lêwi.” Kră Yang Tih Hloh khan thoi noh.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 17:7

Môis tah lu 'long jra noh 'bơ̆t anăp Kră Yang tơ lăm Bơsŭn Roi Tơbăt.

Jo 18:4

Lu sư gô pơgơ̆r hơdai ih, bơ̆jang lăm Bơsŭn Anih Akŭm, đĭ-đăng tơdrong jang lăm Bơsŭn; lu bơngai tơmoi nai ưh kơ gơh năm jê̆ ôh,

Jo 3:5

Kră Yang khan kơ Môis thoi âu:

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 8:19

Đơ̆ng lăm lu adrĕch bơngai Isơrael Inh rơih iŏk boih bơngai Lêwi pơjao ăn kơ Arôn păng lu kon drŏ-nglo sư, wă kơ bơ̆jang tơplih tơdrong jang Isơrael lăm Bơsŭn Anih Akŭm, kư̆m pơm soi sơmah wă huai tơdrong yoch ăn kơ lu adrĕch bơngai Isơrael, wă kơ lu sư mă năm jê̆ anih 'lơ̆ng rơgoh, huay kơ đei tơdrong kiơ truh.

Jo 8:22

Đơ̆ng rŏng kơ noh, lu bơngai Lêwi mơ̆t jang lăm Bơsŭn Anih Akŭm tơgŭm Arôn păng tơgŭm lu kon drŏ-nglo sư; pơm kơ lu bơngai Lêwi, kiơ̆ trŏ thoi nơ̆r Kră Yang đei pơma pơkă kơ Môis gah lu sư.

Hêbrơ 9:6

Đe pơm tôm tơdrong lơ̆m hnam noh keh boih, na lu 'bok soi ling-lang juăt kơ mơ̆t kơkuh soi kơ 'Bok Kei-Dei tơ lơ̆m anih giĕng mă mônh noh.