Jo 18:19 - Sơ̆p Hlabơar Nơ̆r 'Bok Kei-Dei

¹⁹ Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

Jo 18:19 Iomraidhean Croise

II Pot 12:16

Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

II Ho 13:5

Đơ̆ng tơdrong pơgơ̆p 'boh, Kră Yang 'Bok Kei-Dei Isơrael đei jao boih dêh char Isơrael kơ Đawit păng lu kon drŏ-nglo sư ling-lang hlŏng hloi boih, lu iĕm ưh kơ băt hă?

II Ho 31:4

Sư kư̆m athei lu kon pơlei mă oei lăm pơlei Jêrusalem asong ăn tơmam kơ lu 'bok soi păng bơngai Lêwi, wă kơ lu sư gơh jao lu sư kơdih awih awăn kiơ̆ khôi juăt Kră Yang.

Le 29:27

Thoi noh ih athei iŏk 'nhĕm kơtơh păng blu kon triu tơno yua pơm tơmam soi tơpơng 'ma 'ngiĕo, pơm pơchĕp ăn jing 'bok soi kơ 'bok Arôn, hăm dôm lu kon drŏ-nglo sư, wă khan 'nhĕm kơtơh pơyơ̆r 'ma 'ngiĕo boih păng blu yua kơ noh jing tơmam soi pơyơ̆r.

Êsêkiên 43:24

Ih athei năm ba 'bơ̆t anăp Kră Yang, lu 'bok soi prôi 'boh tơ kơpal păng pơyơ̆r pơm tơmam soi 'buh ăn kơ Kră Yang.

Lêwi 2:13

Ih athei tah 'boh lăm dôm tơmam pơyơ̆r tơpŭng; 'nĕ ăn tơmam tơpŭng pơyơ̆r mă ưh kơ đei 'boh ôh. Yua kơ 'boh wă tơ'bôh kơ tơdrong pơgơ̆p hăm Kră Yang 'Bok Kei-Dei ih lăm dôm lu tơmam ih pơyơ̆r athei đei 'boh.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 7:14

Sư gô iŏk minh pôm 'bĕng dơ̆ng lăm rim tơmam pơyơ̆r hăm phe 'ba pơyơ̆r kơ Kră Yang tơmam soi noh gô 'măn kơ 'bok soi, mă đêl tơtraih pham kon sem tơmam soi 'blŏk bơnê.

Jo 18:11

Tơmam 'nâu kư̆m 'măn kơ ih. Tơmam ayơ mă bơngai Isơrael pơyơ̆r tơpơng 'ma 'ngiĕo, na 'nâu tơdrong juăt yua ling-lang ăn kơ ih păng lu kon drŏ-nglo kon drŏ-kăn ih. Bơngai mă 'lơ̆ng rơgoh oei lăm hnam ih gơh sa tơmam noh.

Jo 18:8

Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

Jo 31:29

wă khan na iŏk minh puăt đơ̆ng lăm tơmam lê̆ kơ linh tơblah noh păng ăn kơ Êlêasar, 'bok soi, pơm tơmam pơyơ̆r ăn kơ Kră Yang.

Jo 31:41

Môis pơjao ăn kơ Êlêasar, 'bok soi, tơmam na jing tơmam pơyơ̆r ăn kơ Kră Yang, trŏ thoi nơ̆r Kră Yang đei khan kơ Môis.

Both 12:26

Gah lu sem dơrong mă iĕm 'măn lê̆ 'lơ̆ng rơgoh wă pơyơ̆r păng kiơ̆ thoi đei pơkă boih dah wă pơsĭt đơ̆ng nơ̆r pơkă wă pơyơ̆r, na rôp anhăk ba năm tơ anih mă Kră Yang rơih boih.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.