Jo 18:11 - Sơ̆p Hlabơar Nơ̆r 'Bok Kei-Dei

¹¹ Tơmam 'nâu kư̆m 'măn kơ ih. Tơmam ayơ mă bơngai Isơrael pơyơ̆r tơpơng 'ma 'ngiĕo, na 'nâu tơdrong juăt yua ling-lang ăn kơ ih păng lu kon drŏ-nglo kon drŏ-kăn ih. Bơngai mă 'lơ̆ng rơgoh oei lăm hnam ih gơh sa tơmam noh.

Jo 18:11 Iomraidhean Croise

Lêwi 10:14

Mă-lei sĕch kơtơh mă pơyơ̆r chro 'ma 'ngiĕo păng blu kon sem dơrong mă đei pơyơ̆r hiŏng tơ kơpal, na ih păng lu kon akăn ih athei sa tơ minh anih rơgoh yua kơ đe đei 'măn lê̆ kơ ih păng lu kon drŏ-nglo ih đơ̆ng lu tơmam pơyơ̆r 'blŏk bơnê đơ̆ng kon pơlei Isơrael.

Lêwi 7:14

Sư gô iŏk minh pôm 'bĕng dơ̆ng lăm rim tơmam pơyơ̆r hăm phe 'ba pơyơ̆r kơ Kră Yang tơmam soi noh gô 'măn kơ 'bok soi, mă đêl tơtraih pham kon sem tơmam soi 'blŏk bơnê.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Jo 18:10

Noh tơmam 'lơ̆ng rơgoh hloh ih athei iŏk sa tơmam soi noh lăm anih 'lơ̆ng rơgoh lu bơngai drŏ-nglo gơh iŏk sa.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

Jo 18:8

Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

Both 18:3

'Nâu boih mă tơmam 'măn kơ lu 'bok soi gơh iŏk yua mưh kon pơlei pơyơ̆r tơmam soi minh pôm, rơmo tơno dah triu akăn; minh pah hơngiĕng dah meng tơ'bong păng hlŭng klak.