Jo 17:11 - Sơ̆p Hlabơar Nơ̆r 'Bok Kei-Dei

¹¹ Môis pơm thoi noh, wă khan pơm kiơ̆ thoi Kră Yang đei tơtă kơ sư boih.

Jo 17:11 Iomraidhean Croise

II Ho 19:10

Tơdah đei lu 'nhŏng oh kon pơlei pơla đơ̆ng lăm pơlei nai năm tơkan tơ iĕm đei tơdrong truh, pơlôch bơngai dah pơm glăi kơ khôi juăt, nơ̆r tơtă, tơdrong juăt, nơ̆r tơbăt lu iĕm athei bơtho khan kơ lu sư 'nĕ kơ pơm yoch hăm Kră Yang, kơnh Kră Yang hil mĭl phak lu iĕm păng lu 'nhŏng oh iĕm: Pơm thoi ei na lu iĕm huay kơ đei yoch.”

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Jo 11:33

Sa 'nhĕm oei đom lăm hơnĕnh, ưh kơ tam kơkă đei hloi tơdrong Kră Yang hil mĭl kơ kon pơlei, pơm ăn đei tơdrong truh pơrăm kon pơlei pơla trăp dêh tơpă.

Jo 17:10

Kră Yang khan kơ Môis: Iŏk bĕ 'long jra Arôn na dan 'bơ̆t Hom Roi Tơbăt, wă răk tơ'blŏk pơm tơdra tơ'bôh kơ kon sâu wă iung blah, “ih athei khă chĭt lê̆ nơ̆r lu sư jŏk iung blah pơjah hăm Inh, kơnh hli kơ lu sư lôch.”

Jo 17:12

Bơngai Isơrael hli tơrơ khan kơ Môis: Âu 'nâu, lu nhôn gô lôch, lu nhôn lôch răm, lu nhôn gô lôch hiong đĭ-đăng!