Jo 16:9 - Sơ̆p Hlabơar Nơ̆r 'Bok Kei-Dei

⁹ Gah lu iĕm, Kră Yang 'Bok Kei-Dei Isơrael đei 'măn lê̆ iĕm pha boih đơ̆ng khŭl kon pơlei bơngai Isơrael păng ăn kơ lu iĕm gơh năm jê̆ Sư wă bơ̆jang kơ Sư lăm Bơsŭn Kră Yang, wă kơ iĕm bơ̆jang awih awăn 'bơ̆t anăp kon pơlei, tơdrong noh iĕm lăng iĕ dêh hă?

Jo 16:9 Iomraidhean Croise

Bl 30:15

Lêa tơl: Tơgar iŏk klo inh 'nâu tơdrong iĕ đĕch hă? Na e 'maih iŏk plei 'long hơra bri đơ̆ng kon inh dơ̆ng? Rachel khan thoi âu: Kư̆m bưh, klo ba gô oei hơdai hăm mŏ kơnh, tơplih ăn kơ inh plei 'long mă kon ih đei noh.

II Sam 7:19

Kơkuh kơ Ih ơ Kră Yang inh, mă khan tơdrong noh Ih lăng tơdrong iĕ đĕch, păng Ih đei bơtho inh mă đĭch đam Ih kơ dêh char pơtao inh đơ̆ng âu tơ anăp păng ơ Kră Yang inh Ih oei wă ăn kơ inh 'bôh jơhnơr tơ anăp âu kơnh?

II Ho 35:3

Sư khan kơ lu bơngai Lêwi, bơngai mă bơtho kơ đĭ-đăng kon pơlei Isơrael, bơngai Lêwi mă đe 'măn rơgoh 'lơ̆ng ăn kơ Kră Yang: Năm tah bĕ Hom 'Lơ̆ng Rơgoh tơ lăm hnam Kră Yang mă Sôlômôn kon drŏ-nglo Đawit, pơtao Isơrael đei pơm; lu iĕm huay pă tung hom noh kơpal hơngiĕng dơ̆ng. Dang ei năm bơ̆jang bĕ kơ Kră Yang 'Bok Kei-Dei lu iĕm păng kon pơlei Sư Isơrael.

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

Êsêkiên 34:18

Lu iĕm sa 'nhĕt hơdrih 'lơ̆ng, ưh tam mah ôh hă? Na iĕm iŏk jơ̆ng pơjuă lê̆ 'nhĕt mă oei oei noh; iĕm nhă đak hlăng boih na iŏk jơ̆ng jur pơpŭk lê̆ gơsŏk đĭ lu đak mă oei oei noh.

Êsêkiên 44:16

Lu sư boih gô mơ̆t lăm anih 'lơ̆ng rơgoh Inh lu sư boih gô năm 'bơ̆t jê̆ chơnang soi wă bơ̆jang kơ Inh; awih awăn kơ Inh.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 16:13

Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 16:8

Môis khan kơ Kôrê: Ơ kon sâu Lêwi, dang ei mơ̆ng bĕ:

Jo 3:6

Ăn bĕ kơ kon drŏ-nglo Lêwi năm jê̆, 'bơ̆t anăp Arôn 'bok soi tơm, wă kơ lu adrĕch Lêwi awih awăn tơgŭm sư.

Jo 3:9

Thoi noh ih athei jao dôm lu bơngai Lêwi kơ Arôn păng lu kon drŏ-nglo sư; đĭ-đăng lu sư mă đei rơih iŏk đơ̆ng lăm adrĕch bơngai Isơrael Inh jao boih kơ Arôn.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

I Kor 4:3

Gah inh mă iĕm jô̆ kơ inh bơngai thoi yơ kư̆m bưh mơ̆n; mă dah đe wă sek tơdrong inh thoi yơ, inh huay kơ klai ôh; inh kơdih rai loi, ưh kơ băt tơchĕng tơdrong kơdih thoi yơ.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

I Sam 18:23

Lu đĭch đam Sôl roi dơ̆ng dôm lu nơ̆r ei hăm Đawit. Đawit tơl khan: Pơm ŏng pơtao, iĕm tơchĕng tơdrong iĕ đĕch ah? Inh minh 'nu bơngai dơnuh hin păng răm-'băm.