Jo 16:39 - Sơ̆p Hlabơar Nơ̆r 'Bok Kei-Dei

³⁹ Thoi noh, Êlêasar, 'bok soi, iŏk lu gĕl tah pơgang 'bâu phu đe pơm păng kong mă đêl ŭnh sa đe soh pơyơ̆r pơgang 'bâu phu na sư tơtang jing hơtăng yua wă gom chơnang soi.

Jo 16:39 Iomraidhean Croise

I Ho 24:2

Mă-lei Nađap păng Abihu lôch adrol kơ 'bă lu sư păng ưh kơ đei kon; na Êlêasar păng Ithamar pơm 'bok soi.

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

Esơra 2:62

Lu bơngai noh chă adrĕch adrung lu sư ră mă-lei ưh kơ đei; na đe jô̆ lu sư ưh kơ rơgoh na păng tơlĕch lu sư đơ̆ng tơdrong jang 'bok soi.

Jo 16:38

gah lu gŏl đơ̆ng lu bơngai pơm yoch tah pơgang 'bâu phu păng soh pơyơ̆r boih jô̆ dĭng đĭ chăl arih lu sư, ih athei iŏk tơtang mă hơtăng na gom chơnang soi. Yua kơ lu gŏl noh pơyơ̆r boih 'bơ̆t anăp Kră Yang jing tơmam rơgoh; lu gĕl tơtang sư hơtăng noh wă pơm tơdra tơ'blŏk ăn kơ bơngai Isơrael.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.