Jo 16:38 - Sơ̆p Hlabơar Nơ̆r 'Bok Kei-Dei

³⁸ gah lu gŏl đơ̆ng lu bơngai pơm yoch tah pơgang 'bâu phu păng soh pơyơ̆r boih jô̆ dĭng đĭ chăl arih lu sư, ih athei iŏk tơtang mă hơtăng na gom chơnang soi. Yua kơ lu gŏl noh pơyơ̆r boih 'bơ̆t anăp Kră Yang jing tơmam rơgoh; lu gĕl tơtang sư hơtăng noh wă pơm tơdra tơ'blŏk ăn kơ bơngai Isơrael.

Jo 16:38 Iomraidhean Croise

I Pot 2:23

Pơtao Sôlômôn yua hăm anăn Kră Yang pơkăm khan: “Apinh Kră Yang 'Bok Kei-Dei pơm kơ inh phak inh mă trăp thoi Sư wă, tơdah Adonija ưh kơ lôch ôh yua kơ tơdrong sư apinh 'nâu.

Tơdrông Pơđơk 1:18

Mă-lei lu sư wă chă pơlôch kơdih akâu, Păng răp wă pơrăm tơdrong arih kơdih.

Tơdrông Pơđơk 20:2

Tơdrong pơtao hil thoi dăm-brang grĕnh, Bơngai bu kơ chu pơgreh pơtao gô hiong tơdrong arih kơdih akâu.

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

Je 44:7

Dang ei, 'nâu nơ̆r Kră Yang Tih Hloh, 'Bok Kei-Dei Isơrael, khan: “Liơ lu iĕm pơm wă pơrăm chăl arih akâu kơdih, wă tơhiong đĭ-đăng lu drŏ-nglo, drŏ-kăn, hơ'lơ̆p, nge oei mŏm, đơ̆ng lăm dêh Juđa, dĭng mah kon pơlei goh 'biao pă đei bu oei arih?

Êsêkiên 14:8

Inh gô blah plơ̆ bơngai noh, wă pơm kơ sư jing tơdra, minh tơdrong wă kơ đe đei nơ̆r hơmoch. Inh gô pơpuh lê̆ lu sư đơ̆ng kon pơlei Inh. Na lu iĕm gô băt Inh boih Kră Yang.

Habakuk 2:10

Ih chă pơm mơlâu kơ hnam dơnŏ ih kơdih păng pơlôch lơ kon pơlei pơla, ih đei pơrăm Bơhngol ih.

Jo 16:37

Khan bĕ kơ Êlêasar kon drŏ-nglo Arôn 'bok soi, athei sư kơih iŏk bĕ lu gĕl soh pơgang 'bâu phu đơ̆ng lăm ŭnh sa noh păng tuh lê̆ ngar lăm lu gĕl iĕ noh tơ ataih, yua kơ lu gĕl iĕ noh jing 'lơ̆ng rơgoh boih,

Jo 16:39

Thoi noh, Êlêasar, 'bok soi, iŏk lu gĕl tah pơgang 'bâu phu đe pơm păng kong mă đêl ŭnh sa đe soh pơyơ̆r pơgang 'bâu phu na sư tơtang jing hơtăng yua wă gom chơnang soi.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 17:10

Kră Yang khan kơ Môis: Iŏk bĕ 'long jra Arôn na dan 'bơ̆t Hom Roi Tơbăt, wă răk tơ'blŏk pơm tơdra tơ'bôh kơ kon sâu wă iung blah, “ih athei khă chĭt lê̆ nơ̆r lu sư jŏk iung blah pơjah hăm Inh, kơnh hli kơ lu sư lôch.”

Jo 26:10

Kơplah noh, teh ha 'bơ̆r luăn 'bar 'nu bre sư păng Kôrê hơdai, lu bơngai kiơ̆ khŭl sư lôch hloi kơ ŭnh sa đĭ 'bar-hrĕng pơđăm-jĭt 'nu drŏ-nglo; noh boih tơ'bôh wă kơ kơchăng.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.