Jo 16:28 - Sơ̆p Hlabơar Nơ̆r 'Bok Kei-Dei

²⁸ Môis khan dơ̆ng thoi âu: Đơ̆ng tơdrong 'nâu lu iĕm gô băt Kră Yang đei wơh inh pơm tơdrong 'nâu păng inh ưh kơ đei layơ pơm kiơ̆ kơ inh kơdih,

Jo 16:28 Iomraidhean Croise

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 4:12

Thoi ei, na năm bĕ; inh gô oei hơdai lăm 'bơ̆r păng bơtho ih dôm nơ̆r trŏ wă pơma.

Le 4:15

Lei na ih pơma hăm sư păng hơmet lê̆ dôm nơ̆r wă pơma lăm 'bơ̆r sư, kơplah măr iĕm pơma. Inh gô oei hơdai lăm 'bơ̆r ih păng 'bơ̆r 'nhŏng ih, bơtho iĕm dôm tơdrong kiơ wă pơm.

Le 7:9

Tơdah Pharaôn athei măr iĕm pơm tơdrong mơsêh iĕm; ih athei khan kơ Arôn: 'Nhŏng ih athei iŏk 'long jra, klơ̆m 'bơ̆t anăp Pharaôn, 'long jra 'noh gô jing minh dăng 'bih.

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Êsêkiên 13:17

Bĭ ih, ơ kon bơngai, tơwih muh măt blah plơ̆ lu kon drŏ-kăn pơlei iĕm, khan lê̆ adrol bĕ blah lu sư. Lu sư khan lê̆ adrol kiơ̆ kơ jơhngơ̆m đon kơdih.

Sa 2:9

Yua kơ âu, Inh gô yơ̆r ti Inh blah lu sư, lu sư gô jing tơmam lu bơngai jang kơ sư tơgar băl; păng lu iĕm gô băt kơ Kră Yang đei wơh inh truh tơ âu.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.

Jo 24:13

Mă khan Balak ăn kơ inh hnam sư 'bĕnh kơ hu 'maih, inh kư̆m ưh kơ lê̆ ôh nơ̆r đơ̆ng Kră Yang tơtă athei, wă pơm tơdrong trŏ 'lơ̆ng dah kơnê̆ mơ̆ng kơ inh kơdih wă; inh athei pơma dôm tơdrong kiơ mă Kră Yang đei khan!

Yo 11:42

Inh băt Ih mơ̆ng Inh ling-lang mơ̆n, mă-lei Inh khan thoi noh wă kơ lu bơngai mă oei tăp dăr kơ Inh kơtơ̆ng na lu sư gô lui kơ Ih wơh Inh.”

Yo 14:11

Inh wă kơ iĕm lui kơ 'Bă Inh oei lăm Inh, nhi 'Bă Inh minh jơhngơ̆m minh đon. Dah iĕm ưh kơ lui, khan nơ̆r Inh pơma đĕch, lei iĕm athei lui kơ dôm tơdrong mơsêh mơyang mă đêl Inh pơm.

Yo 5:30

“Inh ưh kơ pơm kiơ̆ thoi Inh wă ôh. Inh kơtơ̆ng 'Bă Inh pơma kơ Inh thoi yơ, Inh sek tơlang kiơ̆ thoi Sư pơma 'noh mơ̆n. Tơdrong Inh sek tơlang Inh sek tơlang mă tơpăt kiơ̆ thoi Sư, kơlih kơ Inh ưh kơ wă kiơ̆ thoi Inh kơdih, Inh athei pơm trŏ thoi 'Bă Inh mă wơh Inh wă.

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Both 18:22

Tơdah bơngai khan lê̆ adrol yua anăn Kră Yang na pơma, nơ̆r pơma bơngai noh ưh kơ đei truh păng ưh kơ đei pơsĭt 'blep trŏ, noh ưh kơ nơ̆r Kră Yang mă bơtho khan, bơngai khan lê̆ adrol pơma lĕch đơ̆ng tơdrong sư pơang. 'Nĕ hli kơ sư ôh.