Jo 16:13 - Sơ̆p Hlabơar Nơ̆r 'Bok Kei-Dei

¹³ Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 16:13 Iomraidhean Croise

Le 1:11

Lei na pơtao ăn bơngai Êyiptơ wei-lăng tơdrong jang chă athei lu sư, wă rôp pơgŏ ăn tơdrong jang gleh trăp kơ kon pơlei Isơrael; lu sư man pơm pơlei Phithom păng Ramse wă pơm hnam tah mong tơmam kơ Pharaôn.

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Le 16:3

Lu bơngai Isơrael khan kơ bre sư: Ô! Kơtrơ̆m lu nhôn jah lôch lăm tơpang ti Kră Yang tơ dêh Êyiptơ đĕch, kơplah oei jê̆ gŏ 'nhĕm păng sŏng sa phĭ! Mă-lei măr iĕm chông ba lu nhôn năm tơ tơmăn glă 'nâu wă kơ lu nhôn lôch đĭ kơ pơngot.

Le 17:3

Kon pơlei oei tơ noh ưh kơ đei đak, rơhing 'maih nhă, na hil jŏk kơ Môis khan: Liơ ih chông ba lu nhôn lĕch đơ̆ng dêh Êyiptơ, wă kơ lu nhôn, kon sâu nhôn păng sem dơrong lôch rơhing kơ đak?

Le 2:14

Mă-lei bơngai noh tơl khan: Bơngai bu pôk ih pơm pơtao, pơm tih sek tơlang kơ lu nhôn? Hăm trŏ ih wă pơlôch nhôn thoi lĕ ih pơlôch bơngai Êyiptơ 'noh hă? Môis hli, na khan: Trŏ tơpă, Tơdrong 'nâu rŏ lăng đe băt boih.

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Êsêkiên 34:18

Lu iĕm sa 'nhĕt hơdrih 'lơ̆ng, ưh tam mah ôh hă? Na iĕm iŏk jơ̆ng pơjuă lê̆ 'nhĕt mă oei oei noh; iĕm nhă đak hlăng boih na iŏk jơ̆ng jur pơpŭk lê̆ gơsŏk đĭ lu đak mă oei oei noh.

Jo 11:20

Mă-lei dĭng truh tơ minh khei hloi, dĭng mă 'nhĕm iĕm 'bĕnh mah lĕch trong muh păng lu iĕm đĭ pă 'maih sa, yua kơ lu iĕm achăng lê̆ Kră Yang mă oei tŏk-bŏk lu iĕm păng nhơ̆m krao 'bơ̆t anăp Sư khan: Yua kơ kiơ lu nhôn mă lĕch đơ̆ng char Êyiptơ.

Jo 11:4

Đei lu bơngai tơmoi oei hơdai hăm kon pơlei Isơrael đei jơhngơ̆m rơhing 'maih wă sa dêh; na pơm kơ kon pơlei Isơrael nhơ̆m apinh hơpơi khan: Rŏ kơ đei 'nhĕm sa dêh?

Jo 11:5

Lu nhôn 'blŏk kơ đêl 'nhĕm ka đe ăn kơ lu nhôn sa đĕch lăm dêh char Êyiptơ, đei pia đak pia bih, 'bum kơdĭm, kơdĭm hmă, kơdĭm toih.

Jo 13:27

Lu sư khan kơ Môis, lu nhôn đei truh boih tơ char mă ih đei wơh nhôn năm; lăm char noh teh mơ̆r 'lơ̆ng tơmam sa rơkah rơkai, 'nâu boih plei 'long sa đơ̆ng char noh.

Jo 14:2

Đĭ-đăng lu bơngai Isơrael jŏk kơ Môis păng Arôn; đĭ-đăng lu bơngai tơpôl khan kơ bre sư thoi âu: 'Lơ̆ng hloh kơ lu nhôn jah lôch tơ lăm char Êyiptơ ki, dah jah lôch tơ lăm char glă âu đĕch!

Jo 14:3

Liơ mă Kră Yang chông ba lu nhôn mơ̆t tơ lăm dêh char 'nâu wă ăn kơ lu nhôn lôch ngôi kơ đao gưm đe? Kon akăn lu nhôn jing tơmam đe plah tơgar iŏk đĕch. Hăm trŏ 'lơ̆ng hloh lu nhôn jah wih hơlơ̆k tơ char Êyiptơ hă?

Jo 16:12

Môis athei đe năm krao bre Đathan hăm Abiram, kon drŏ-nglo Êliap; mă-lei bre sư tơl: Nhi ưh kơ năm ôh.

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Jang 7:35

Hơdrol kơ Môis wă jăk sơ̆ đe Isơrael ưh kơ wă kơ Môis na khan thoi âu: ‘Bu athei ih tŏk pơgơ̆r nhôn păng tơdrong sek tơlang kơ nhôn?’ Mă-lei lăp 'Bok Kei-Dei wơh linh jang 'lơ̆ng pơma păng pơm kơ 'long ŭnh sa ei, na 'Bok Kei-Dei ăn kơ Môis pơgơ̆r păng tơdŏng đe Isơrael đơ̆ng dêh Êyiptơ.