Jo 15:3 - Sơ̆p Hlabơar Nơ̆r 'Bok Kei-Dei

³ lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jo 15:3 Iomraidhean Croise

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Esơra 7:17

Ih yua jên âu răt lu rơmo dăm, triu dăm, triu tơno kon hăm phe 'ba tơmam soi pơyơ̆r, na pơyơ̆r tơ kơpal kơ chơnang soi lăm hnam Kră Yang 'Bok Kei-Dei lu iĕm, tơ pơlei Jêrusalem.

Horiso 54:6

Ơ Kră Yang, inh gô pơyơ̆r kơ Ih tơmam soi đơ̆ng jơhngơ̆m wă. Kŭm gô hơri bơnê kơ anăn Ih, Yua kơ Anăn Ih 'lơ̆ng rŏ.

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Le 29:25

Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Le 29:41

Gah kon triu mă 'bar ih athei pơyơ̆r til kơsơ̆ măng hăm tơmam soi tơpŭng păng tơmam soi huch thoi lĕ til pơgê 'noh tơmam soi 'buh 'bâu phu pơyơ̆r kơ Kră Yang.

Lêwi 10:13

Athei sa tơmam soi âu tơ anih 'lơ̆ng rơgoh hloh, yua kơ tơmam âu 'măn lê̆ kơ ih păng lu kon drŏ-nglo ih đơ̆ng tơmam soi ăn hăm ŭnh sa pơyơ̆r kơ Kră Yang, yua kơ Sư pơkă boih kơ inh.

Lêwi 27:2

Roi bĕ kơ kon pơlei Isơrael: Tơdah đei bu mă pơkăm pơkă wă pơyơ̆r kơ Kră Yang athei ăn jên kiơ̆ kơ tơdrong gĭt bơngai.

Lêwi 7:16

Tơdah tơmam pơyơ̆r âu yua kơ tơdrong pơkă dah tơmam pơyơ̆r 'maih wă, đe gô sa tơmam soi noh lăm năr mă pơyơ̆r tơdah oei rơkah gơh sa năr dơning dơ̆ng.

Jo 28:27

Lu iĕm gô rôp 'bar tŏ rơmo dăm, minh pôm triu tơno păng tơpơh tŏ triu kon tơno lăp minh sơnăm, wă pơm tơmam soi 'buh đei 'bâu phu ăn kơ Kră Yang;

Jo 29:8

Lu iĕm athei pơyơ̆r minh pôm rơmo dăm, minh pôm triu tơno păng tơpơh tŏ kon triu tơno 'nao lăp minh sơnăm, ưh kơ đei jĭ kiơ, pơm tơmam soi 'buh pơyơ̆r 'bâu phu ăn kơ Kră Yang.

Jo 6:15

hơdai hăm tơmam soi phe 'ba păng tơmam soi huch sa păng minh bai 'bĕng ưh kơ đei 'buih; 'bĕng pơm hăm tơpŭng bơlŭ hăm rơmă ôliwơ, lu 'bĕng klang pik đak rơmă ôliwơ.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

II Kor 2:15

Nhôn bơtho đe dang lĕ tơmam 'bâu phu Yêsu Krist soh pơyơ̆r kơ 'Bok Kei-Dei, wă kơ đĭ rim 'nu bơngai mă 'Bok Kei-Dei wă iŏk, hăm lu bơngai mă wă hiong răm 'bâu tôm.

II Kor 2:16

Lu bơngai mă wă hiong răm, lu sư 'bâu chhok hơ'nơ̆k lôch. Lu bơngai 'Bok Kei-Dei rơih iŏk, lu sư 'bâu phu pơm kơ lu sư arih ling-lang. Tơdrong jang noh trăp dêh bu kĕ jang?

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:17

Lu iĕm ưh kơ gơh sa lăm pơlei iĕm kơdih, lu tơmam iŏk đơ̆ng minh lăm mơjĭt, 'ba, sik hơmu đak rơmă plei ôliwơ, dah lu kon rơmo triu bơbe tuh blŭng-a, dah tơmam kiơ iĕm drơ̆ng pơkă wă pơyơ̆r, dah iĕm pơyơ̆r hăm jơhngơ̆m wă, dah lu tơmam pơyơ̆r nai, lu iĕm ưh kơ gơh sa lăm pơlei iĕm kơdih.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.