Jo 15:29 - Sơ̆p Hlabơar Nơ̆r 'Bok Kei-Dei

²⁹ Khôi juăt 'nâu yua kơ rim 'nu bơngai hơch 'bơm kơ pơm yoch mă tơdah glăi 'bơm pơm yoch, kư̆m gô pơm lei-lăi minh pôm khôi juăt kơ lu iĕm bơngai Isơrael dah lu bơngai tơmoi mă tơpŭ lăm char âu.

Jo 15:29 Iomraidhean Croise

I Pot 8:41

Gah lu tơmoi nai lu sư ưh kơ lăm lu bơngai Isơrael Ih, mă-lei yua kơ anăn Ih lu sư đơ̆ng dêh ataih truh,

Le 12:49

Kŭm đei lei-lăi minh tơdrong juăt ăn lu bơngai tơpŭ lăm dêh iĕm hăm bơngai tơmoi ayơ truh oei hơdai hăm lu iĕm.

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Lêwi 17:15

Bơngai bu đơ̆ng pơlei kơtă dah đơ̆ng tơmoi, na sa 'nhĕm sem brem lôch kơmăp kơdih dah lôch đơ̆ng đêl sem bri kăp bơngai noh athei pih hơbĕn ao sư, hum lăm đak păng gô đei kơnê̆ 'mê̆-'mach truh kơmăng, klaih kơ noh sư jing rơgoh.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Jo 15:15

Đĭ-đăng lăm tơpôl akŭm đei lăp minh khôi juăt 'nâu đĕch ăn kơ lu iĕm păng lu bơngai tơmoi mă oei hơdai iĕm. 'Nâu boih minh tơdrong juăt pơkă ling-lang kơ adrĕch adrung lu iĕm 'bơ̆t anăp Kră Yang; bơngai tơmoi kư̆m lei-lăi thoi lu iĕm mơ̆n.

Jo 15:28

'Bok soi gô soi sơmah huai yoch ăn kơ bơngai mă glăi 'bơm pơm yoch thoi noh 'bơ̆t anăp Kră Yang păng dah đei soi sơmah huai đơ̆ng yoch thoi noh na bơngai noh gơh klaih đơ̆ng yoch.

Jo 15:30

Mă-lei tơdah đei bơngai bu, kon pơlei Isơrael dah lu bơngai tơpŭ lăm char 'nâu, pơrơ̆ng pơm yoch, kuă kơ chu Kră Yang; bơngai noh gô tơlĕch sư đơ̆ng adrĕch kon pơlei sư kơdih,

Jo 9:14

Tơdah đei lu bơngai tơmoi oei hơdai hăm lu iĕm 'blŏk hơdơ̆r 'maih wă pơm giĕng Năm Brih Kră Yang, sư athei kiơ̆ tơdrong tơtă păng khôi juăt gah giĕng Năm Brih. Kŭm đei minh tơdrong juăt kơ lu iĕm bơngai tơmoi păng bơngai kơtă mă tơpŭ lăm dêh char âu.

Luka 12:48

Dôm lu đĭch đam mă ưh kơ băt kơ nơ̆r yŏng sư ată, na ưh kơ pơm kiơ̆, yŏng sư kư̆m gô tôn teh mơ̆n, mă-lei lăp lăp 'biơ̆. Bơngai bu yŏng sư ăn jang tih hloh kơ đe, bơngai noh, dah sư ưh kơ chu, yŏng sư gô phak sư kơtang hloh kơ đe.

Jôsuê 8:33

Đĭ-đăng bơngai Isơrael, kon pơlei hăm lu bơngai tơmoi, hơdai hăm lu kră pơlei, lu kră pơgơ̆r, lu kră sek tơlang, dơ̆ng 'bar pah kơ Hom Pơgơ̆p Kră Yang 'bơ̆t anăp lu bơngai tung Hom tơdrong pơgơ̆p noh lu 'bok soi bơngai Lêwi, minh puăt kon pơlei dơ̆ng gah anăp kơ Kông Gêrasim, minh puăt gah anăp Kông Êbal kiơ̆ thoi Môis, đĭch đam Kră Yang, đei tơtă boih adrol sơ̆ kơplah sư sơkat ăn pŭn hiôk kơ kon pơlei Isơrael.