Jo 15:28 - Sơ̆p Hlabơar Nơ̆r 'Bok Kei-Dei

²⁸ 'Bok soi gô soi sơmah huai yoch ăn kơ bơngai mă glăi 'bơm pơm yoch thoi noh 'bơ̆t anăp Kră Yang păng dah đei soi sơmah huai đơ̆ng yoch thoi noh na bơngai noh gơh klaih đơ̆ng yoch.

Jo 15:28 Iomraidhean Croise

Lêwi 14:18

Đak rơmă oei oei lăm tơpang ti, 'bok soi gô hling tơ kơ̆l bơngai wă kơ rơgoh noh. Thoi noh 'bok soi gô soi sơmah pơm rơgoh ăn kơ sư 'bơ̆t anăp Kră Yang.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Lêwi 4:20

'Nâu tơdrong sư pơyơ̆r rơmo dăm, kư̆m thoi sư pơyơ̆r rơmo pơm tơmam soi huai đơ̆ng yoch, sư gô pơm thoi noh mơ̆n kơ tơmam âu. 'Bok soi gô pơm tơdrong sut rơgoh tơdrong yoch lu sư na lu sư gô đei tơdrong mơnat ăn,

Lêwi 4:35

Sư pleh đĭ rơmă thoi đei pleh rơmă triu kon pơm tơmam soi 'blŏk bơnê, 'bok soi gô chĕp ba 'buh tơ chơnang soi tơ kơpal tơmam soi 'buh hăm ŭnh pơyơ̆r kơ Kră Yang, thoi noh bơih 'bok soi gô pơm tơdrong sut rơgoh yoch bơngai mă pơm yoch na tơdrong yoch sư gơh mơnat ăn.

Jo 15:29

Khôi juăt 'nâu yua kơ rim 'nu bơngai hơch 'bơm kơ pơm yoch mă tơdah glăi 'bơm pơm yoch, kư̆m gô pơm lei-lăi minh pôm khôi juăt kơ lu iĕm bơngai Isơrael dah lu bơngai tơmoi mă tơpŭ lăm char âu.