Jo 15:15 - Sơ̆p Hlabơar Nơ̆r 'Bok Kei-Dei

¹⁵ Đĭ-đăng lăm tơpôl akŭm đei lăp minh khôi juăt 'nâu đĕch ăn kơ lu iĕm păng lu bơngai tơmoi mă oei hơdai iĕm. 'Nâu boih minh tơdrong juăt pơkă ling-lang kơ adrĕch adrung lu iĕm 'bơ̆t anăp Kră Yang; bơngai tơmoi kư̆m lei-lăi thoi lu iĕm mơ̆n.

Jo 15:15 Iomraidhean Croise

Esther 9:27

thoi noh na bơngai Juđa iŏk răk năr kơ lu sư kơdih păng răk kơ lu kon sâu sư păng ăn kơ lu bơngai mơ̆t khŭl sư, wă kơ rim sơnăm wei răk 'bar năr âu kiơ̆ kơ hla bơar đei chih boih, ưh kơ gơh bu hiơt.

Le 12:14

Lu iĕm athei chih răk năr âu wă kơ iĕm 'blŏk ling-lang; truh tơ rim jơhnơr athei wei pơm giĕng ăn kơ Kră Yang, wă khan minh tơdrong giĕng pơjing tơtă ling-lang.

Le 12:24

Iĕm athei bơwei tơdrong giĕng 'nâu thoi lĕ tơdrong juăt tơtă ling-lang ăn kơ lu iĕm păng kon sâu lu iĕm.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Le 12:49

Kŭm đei lei-lăi minh tơdrong juăt ăn lu bơngai tơpŭ lăm dêh iĕm hăm bơngai tơmoi ayơ truh oei hơdai hăm lu iĕm.

Le 28:43

Arôn hăm kon drŏ-nglo sư gô tah hơbĕn 'noh lăm kơplah lu sư mơ̆t tơ Bơsŭn Anih Akŭm dah năm jê̆ chơnang soi wă jang lăm anih rơgoh, kơnh hli kơ lu sư lôch yua kơ hang-hông, tơdrong noh jing tơdrong juăt kơ Arôn păng adrĕch adrung sư pơm ling-lang.

Lêwi 24:22

Mă bơngai tơmoi lăm pơlei pơla kơdih kư̆m gô yua minh tơdrong juăt đĕch; yua kơ Inh boih Kră Yang 'Bok Kei-Dei lu iĕm.

Jo 10:8

lu kon drŏ-nglo Arôn, lu bơngai mă pơm 'bok soi, lu sư gô hlôm keng noh. Đơ̆ng chăl arih âu dĭng truh tơ chăl nai, noh boih tơdrong juăt ăn kơ lu iĕm ling-lang.

Jo 15:14

Tơdah đei bơngai tơmoi oei hăm iĕm đunh dah 'nao đơ̆ng chăl âu truh tơ chăl nai, lu sư wă pơyơ̆r tơmam soi 'buh đei 'nhui 'bâu phu ăn kơ Kră Yang, athei pơm kiơ̆ rok thoi lu iĕm đei pơm hơmet noh.

Jo 15:29

Khôi juăt 'nâu yua kơ rim 'nu bơngai hơch 'bơm kơ pơm yoch mă tơdah glăi 'bơm pơm yoch, kư̆m gô pơm lei-lăi minh pôm khôi juăt kơ lu iĕm bơngai Isơrael dah lu bơngai tơmoi mă tơpŭ lăm char âu.

Jo 18:8

Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

Jo 9:14

Tơdah đei lu bơngai tơmoi oei hơdai hăm lu iĕm 'blŏk hơdơ̆r 'maih wă pơm giĕng Năm Brih Kră Yang, sư athei kiơ̆ tơdrong tơtă păng khôi juăt gah giĕng Năm Brih. Kŭm đei minh tơdrong juăt kơ lu iĕm bơngai tơmoi păng bơngai kơtă mă tơpŭ lăm dêh char âu.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Jôsuê 8:33

Đĭ-đăng bơngai Isơrael, kon pơlei hăm lu bơngai tơmoi, hơdai hăm lu kră pơlei, lu kră pơgơ̆r, lu kră sek tơlang, dơ̆ng 'bar pah kơ Hom Pơgơ̆p Kră Yang 'bơ̆t anăp lu bơngai tung Hom tơdrong pơgơ̆p noh lu 'bok soi bơngai Lêwi, minh puăt kon pơlei dơ̆ng gah anăp kơ Kông Gêrasim, minh puăt gah anăp Kông Êbal kiơ̆ thoi Môis, đĭch đam Kră Yang, đei tơtă boih adrol sơ̆ kơplah sư sơkat ăn pŭn hiôk kơ kon pơlei Isơrael.

I Sam 30:25

Đơ̆ng năr noh, Đawit pơjing dôm tơdrong noh, pơm tơdrong juăt lăm lu bơngai Isơrael kư̆m oei đei truh tơ dang ei.