Jo 14:35 - Sơ̆p Hlabơar Nơ̆r 'Bok Kei-Dei

³⁵ Inh Kră Yang khan boih: Inh gô pơm kơ lu tơpôl adrĕch kon pơlei kơnê̆ 'nâu, mă lu sư đei pơgơ̆p pôm đon pơm kơnê̆ kơ Inh; lu sư gô lôch huach hiong tơ lăm char glă 'nâu.

Jo 14:35 Iomraidhean Croise

Horiso 78:33

Thoi noh Sư pơm kơ 'năr lu sư hiong đĭ ưh kơ yua. Pơm kơ khei sơnăm lu sư hiong tôch lăm tơdrong hli krưp.

Le 23:21

'Bơ̆t anăp sư, ih athei kơchăng păng mơ̆ng kiơ̆ nơ̆r sư 'nĕ kơ sơngah pơjah plơ̆; kơnh sư ưh kơ mơnat ăn tơdrong yoch ih, yua kơ anăn Inh oei lăm sư.

Êsêkiên 20:36

Thoi Inh hlôi sek tơlang 'bok yă lu iĕm lăm char glă tơ Êyiptơ, inh kư̆m sek tơlang lu iĕm thoi noh mơ̆n, Kră Yang khan thoi noh.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

I Kor 10:5

'Bok Kei-Dei tơgŭm lu sư dang noh ră mă-lei lu sư ưh kơ lui tơpă ôh, na 'Bok Kei-Dei ưh kơ lăp đon kơ lu sư. Thoi noh na 'Bok Kei-Dei ăn kơ lu sư lôch rah kơplah lu sư oei tơ char glă.

Hêbrơ 3:19

'Noh bơ̆n băt nhên boih, lu sư ưh kơ gơh mơ̆t pơdơh tơ dêh char Sư, yua kơ lu bơngai noh ưh kơ đei đon lui.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.