Jo 14:29 - Sơ̆p Hlabơar Nơ̆r 'Bok Kei-Dei

²⁹ akâu lu iĕm gô pơ̆k lôch tơ lăm char glă âu, dôm lu bơngai jŏk chrih kơ Inh jô̆ đĭ dôm yơ kư̆m lei-lăi, đei jô̆ boih iŏk đơ̆ng 'bar-jĭt sơnăm tơ kơpal,

Jo 14:29 Iomraidhean Croise

Horiso 106:26

Na Kră Yang yơ̆r ti pơkăm khan: “Sư gô pơrăm lu sư pơ̆k lôch tơ lăm char 'blach,

Horiso 78:33

Thoi noh Sư pơm kơ 'năr lu sư hiong đĭ ưh kơ yua. Pơm kơ khei sơnăm lu sư hiong tôch lăm tơdrong hli krưp.

Êsêkiên 20:38

Inh gô pơrăm lu bơngai đơ̆ng lăm lu iĕm, bơngai mă blah Inh; Inh kư̆m gô chông tơlĕch lu sư đơ̆ng teh đak đe mă lu sư oei, mă-lei lu sư ưh kơ gơh mơ̆t lăm teh đak Isơrael. Thoi noh lu iĕm gô băt Inh boih Kră Yang.

Jo 1:45

Thoi noh đĭ-đăng lu bơngai lăm adrĕch adrung Isơrael đe đei chih tơmơ̆t lăm sơ̆p hla bơar jô̆ kơ̆l bơngai kiơ̆ kơ adrĕch kơdih, iŏk đơ̆ng 'bar-jĭt sơnăm tơ kơpal, wă khan lăm adrĕch kon sâu Isơrael gơh năm tơblah,

Jo 1:46

đei tơdrâu-hrĕng pêng-rơbâu pơđăm-hrĕng pơđăm-jĭt 'nu.

Jo 26:64

Lăm lu bơngai âu, ưh kơ đei bu mă Môis păng Arôn, 'bok soi tơm, đei jô̆ kơplah bre sư chih jô̆ kon pơlei Isơrael lăm char glă Sinai.

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

I Kor 10:5

'Bok Kei-Dei tơgŭm lu sư dang noh ră mă-lei lu sư ưh kơ lui tơpă ôh, na 'Bok Kei-Dei ưh kơ lăp đon kơ lu sư. Thoi noh na 'Bok Kei-Dei ăn kơ lu sư lôch rah kơplah lu sư oei tơ char glă.

Both 2:14

Thoi noh, măng năr lu nhôn, lĕch đơ̆ng Kades Barnêa, truh tơ năm hlôi kơ đak glung Sêret, đunh đei pêng-jĭt tơhngam sơnăm đĭ lăm minh chăl dĭng mah đĭ lu bơngai drŏ-nglo mă gơh pơm linh lôch đĭ đơ̆ng lăm kơđông, kư̆m thoi Kră Yang đei pơkă boih.

Hêbrơ 3:17

Kơplah puăn-jĭt sơnăm noh sơ̆ 'Bok Kei-Dei hil kơ đe bu? Sư hil kơ lu bơngai Isơrael pơm yoch. 'Noh na lu sư lôch kơtă hloi tơ dêh glă.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.