Jo 14:24 - Sơ̆p Hlabơar Nơ̆r 'Bok Kei-Dei

²⁴ Mă-lei Kalep buăl Inh, chu kiơ̆ lui ngeh kơ nơ̆r Inh tơpă ưh kơ wă kiơ̆ nơ̆r lu đe, na Inh gô chông ba ăn kơ sư mơ̆t lăm char noh, char mă đêl sư đei năm boih, ăn kơ lu adrĕch adrung sư oei jang sa tơ noh.

Jo 14:24 Iomraidhean Croise

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

II Ho 25:2

Sư bơngai pơm 'lơ̆ng 'bơ̆t anăp Kră Yang, mă-lei ưh kơ đĭ jơhngơ̆m.

Horiso 119:145

Ơ Kră Yang inh krao chă Ih hăm đĭ jơhngơ̆m, Apinh Ih tơl tơwih kơ inh. Inh gô wei răk khôi juăt Ih.

Horiso 119:80

Apinh Ih ăn kơ jơhngơ̆m inh gơh 'lơ̆ng tơpăt lăm Khôi juăt Ih; wă kơ inh huay kơ mơlâu.

Tơdrông Pơđơk 23:26

Ơ dăm, pơjao bĕ jơhngơ̆m ih kơ inh; Măt ih kơchăm rok kiơ̆ trong inh.

Jo 13:30

Kalep pơm ăn kơ lu kon pơlei oei hreh 'bơ̆t anăp Môis, na sư khan: Lu bơ̆n athei năm tŏk blah iŏk oei hloi lăm char noh, gô jei lu bơ̆n.

Jo 14:30

na gô ưh kơ gơh mơ̆t oei tơ char mă Inh đei pơkă wă ăn kơ lu iĕm oei, lăp Kalep kon drŏ-nglo Jêphunê păng Jôsuê kon drŏ-nglo Nun đĕch.

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Êphêsô 6:6

Iĕm athei jang mă tơpă ngê̆ kiơ kơ yŏng iĕm gŏk gô na jang, iĕm kư̆ kơ jang mă 'lơ'lŏ jang mă tơpăt đĕch na 'Bok Kei-Dei bơnê. Mă khan iĕm jang kơ sư kư̆m dang jang kơ Yŏng bơ̆n Yêsu mơ̆n.

Both 1:36

Lăp Kalep kon drŏ-nglo Jêphunê; sư gô 'bôh dêh noh păng Inh gô ăn kơ sư hăm kon sâu sư dêh noh, mă đêl jơ̆ng sư juă. Yua kơ sư kiơ̆ Kră Yang kơjăp 'lơ̆ng hăm đĭ jơhngơ̆m.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Kôlôsê 3:23

Mă tôm tơdrong jang, iĕm athei jang mă tơpă, jang hăm đĭ jơhngơ̆m, 'nĕ kơ pơm đon, yua kơ iĕm jang wă pơhiôk Yŏng bơ̆n Yêsu Krist, ưh kơ sĭ iĕm jang wă pơhiôk kon bơngai đĕch ôh.