Jo 14:22 - Sơ̆p Hlabơar Nơ̆r 'Bok Kei-Dei

²² lu iĕm 'bôh boih dôm tơdrong ư-ang, tơdrong hlĭch chrơp Inh đei pơm boih lăm char Êyiptơ păng lăm char glă, lu iĕm đei pơlong lăng Inh mơjĭt wơ̆t păng kuă pă mơ̆ng nơ̆r Inh,

Jo 14:22 Iomraidhean Croise

Bl 31:41

Noh lăm 'bar-jĭt sơnăm oei lăm hnam ih, mơjĭt-puăn sơnăm tơgŭm jang wă kơ đei oei kơ bre kon adruh ih păng tơdrâu sơnăm wă kơ đei lu sem dơrong đơ̆ng ih, mă-lei ih kư̆m oei đei đon tơplih mơjĭt wơ̆t wă ăn apah inh.

Bl 31:7

Gah 'bă măr iĕm ưh kơ lăp, na pơdê inh păng tơplih đei hloh kơ mơjĭt wơ̆t gah mă apah inh jang; mă-lei Kră Yang 'Bok Kei-Dei ưh kơ ăn sư pơrăm inh tŏ sĕt.

Jop 19:3

Lu iĕm chă pơma pơjăm pơjuă mơjĭt wơ̆t kơ 'nâu bơih, lu iĕm pơm kơ inh pă đei hơkơch.

Horiso 106:14

Lăm char 'blach jơhngơ̆m lu sư ham rơhing dêh. Păng pơlong lăng Kră Yang 'Bok Kei-Dei tơ lăm bri brah.

Horiso 106:26

Na Kră Yang yơ̆r ti pơkăm khan: “Sư gô pơrăm lu sư pơ̆k lôch tơ lăm char 'blach,

Horiso 78:41

Lu sư lơ wơ̆t pơlong lăng Kră Yang 'Bok Kei-Dei, Pơjah păng Kră Yang 'lơ̆ng rơgoh lu bơngai Isơrael.

Le 14:11

Lu sư khan kơ Môis: “Tơ dêh Êyiptơ ưh kơ đei anih 'bŭ bơngai ôh hă, na ih ngĕ kơ chông ba lu nhôn năm lôch tơ char glă? Ih wă pơm kiơ kơ nhôn, ăn kơ lu nhôn lĕch đơ̆ng dêh Êyiptơ?

Le 15:24

Kon pơlei pơma jŏk kơ Môis khan: Lu nhôn wă nhă kiơ.

Le 16:2

Lu bơngai Isơrael hil jŏk kơ Môis păng Arôn tơ tơmăn glă,

Le 17:2

Thoi noh kon pơlei tơhil hăm Môis khan: Ăn kơ lu nhôn đak nhă bĕ. Môis tơl khan: Liơ mă lu iĕm wă tơhil hăm inh? Liơ lu iĕm wă pơlong lăng Kră Yang lĕ?

Le 17:3

Kon pơlei oei tơ noh ưh kơ đei đak, rơhing 'maih nhă, na hil jŏk kơ Môis khan: Liơ ih chông ba lu nhôn lĕch đơ̆ng dêh Êyiptơ, wă kơ lu nhôn, kon sâu nhôn păng sem dơrong lôch rơhing kơ đak?

Le 17:7

Sư krao anăn anih noh Masaa păng Mêrib yua kơ kon pơlei Isơrael hil jŏk păng pơlong lăng Kră Yang, khan: Hăm đei Kră Yang oei hăm lu bơ̆n ưh?

Le 32:1

Lu kon pơlei lăng Môis hiơ̆ kơ jur đơ̆ng kông, lu sư akŭm hloi tăp dăr kơ Arôn păng khan kơ sư: Pơm bĕ kơ bơ̆n lu rup yang năm adrol kơ bơ̆n; yua kơ Môis tơ'ngla mă tơlĕch bơ̆n đơ̆ng char Êyiptơ noh bơ̆n ưh kơ băt ôh tơdrong kiơ truh kơ sư bơih.

Le 5:21

na khan; “măr iĕm pơm kiơ kơ lu nhôn. Apinh Kră Yang lăng păng phak măr iĕm. Yua kơ kiơ măr iĕm ăn kơ Pharaôn păng linh bơ̆jang kơ sư hil areh kơ lu nhôn, thoi ăn đao gưm lăm ti lu sư wă kơ pơlôch lu nhôn.”

Êsai 42:20

Iĕm 'bôh ră lơ tơdrong mă ưh kơ wă lăng hơlen, iĕm đei ră hla đon mă ưh kơ wă mơ̆ng.

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Jo 11:1

Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Jo 11:4

Đei lu bơngai tơmoi oei hơdai hăm kon pơlei Isơrael đei jơhngơ̆m rơhing 'maih wă sa dêh; na pơm kơ kon pơlei Isơrael nhơ̆m apinh hơpơi khan: Rŏ kơ đei 'nhĕm sa dêh?

Jo 12:1

Miriam păng Arôn pơma 'bơm Môis yua kơ sư iŏk oei kơ minh 'nu drŏ-kăn bơngai Kus;

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Jo 14:2

Đĭ-đăng lu bơngai Isơrael jŏk kơ Môis păng Arôn; đĭ-đăng lu bơngai tơpôl khan kơ bre sư thoi âu: 'Lơ̆ng hloh kơ lu nhôn jah lôch tơ lăm char Êyiptơ ki, dah jah lôch tơ lăm char glă âu đĕch!

Jo 32:12

lăp Kalep kon drŏ-nglo Jêphunê bơngai Kênisit păng Jôsuê kon drŏ-nglo Nun, yua kơ bre sư kiơ̆ Kră Yang tơnăp đĭ jơhngơ̆m.

Mathiơ 4:7

Na Yêsu khan: “Ưh ôh, yua kơ lăm sơ̆p hla bơar 'Bok Kei-Dei đe đei chih khan thoi âu: ‘Iĕm 'nĕ kơ pơlong Kră Yang bơ̆n 'Bok Kei-Dei ôh.’ ”

I Kor 10:5

'Bok Kei-Dei tơgŭm lu sư dang noh ră mă-lei lu sư ưh kơ lui tơpă ôh, na 'Bok Kei-Dei ưh kơ lăp đon kơ lu sư. Thoi noh na 'Bok Kei-Dei ăn kơ lu sư lôch rah kơplah lu sư oei tơ char glă.

I Kor 10:9

Bơ̆n 'nĕ pơm pơhloh kơ Kră Yang thoi lu yă 'bok bơ̆n mơ'nah sơ̆, na 'Bok Kei-Dei pơrăm lu sư ăn kơ 'bih choh pơlôch.

Both 9:7

Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

Hêbrơ 3:9

Tơ anih âu boih lu yă 'bok iĕm pơlong Inh păng kơchu kơ Inh sơ̆. Lu sư 'bôh ră mơ̆n tơdrong Inh pơm 'lơ̆ng kơ lu sư kơplah lơ̆m puăn-jĭt sơnăm sơ̆.