Jo 14:18 - Sơ̆p Hlabơar Nơ̆r 'Bok Kei-Dei

¹⁸ Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Jo 14:18 Iomraidhean Croise

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Jop 21:19

Lu iĕm khan: “Kră Yang 'Bok Kei-Dei 'măn tơdrong pơm kơnê̆ sư ăn kơ kon hơ'lơ̆p sư.” Apinh Kră Yang 'Bok Kei-Dei tơwih tơdrong noh kơ lu sư kơdih, wă kơ lu sư băt;

Horiso 103:8

Kră Yang đei tơdrong 'mêm mơnat. Huay 'bônh kơ blĕk păng 'bĕnh kơ tơdrong 'mêm.

Horiso 108:4

Yua kơ tơdrong 'mêm tih Ih kơjung hloh kơ plĕnh, Tơdrong 'lơ̆ng tơpăt Ih truh tơ hơmơ̆l.

Horiso 109:14

Ăn kơ tơdrong kơnê̆ lu 'bok sư oei tơ'blŏk 'bơ̆t anăp Kră Yang; Păng tơdrong yoch mĕ sư oei ưh kơ sut lê̆.

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 20:6

păng gô 'mêm dôm rơbâu jơhnơr kơ bơngai bu 'mêm kơ Inh păng wei răk khôi juăt Inh tơtă.

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 32:18

Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Nhom 5:7

'Bok yă lu nhôn pơm yoch boih, dang ei lu sư lôch đĭ boih. Lu nhôn pŭ iŏk tơdrong kơnê̆ lu sư.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Jo 14:17

Dang ei, inh apinh Ih, ăn tơdrong mơsêh mơyang pran kơtang Ih tih thoi Ih đei khan:

Jo 23:21

Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.

Rom 5:21

Tơdrong yoch pơm kơ kon bơngai jing lôch, mă-lei 'Bok Kei-Dei Sư 'mêm na jô̆ bơ̆n jing bơngai 'lơ̆ng, ăn kơ bơ̆n arih ling-lang yua kơ Kră Yang bơ̆n Yêsu Krist.

Both 5:10

Păng gô 'mêm kơ lu bơngai mă 'mêm kơ Inh păng wei răk dôm lu nơ̆r Inh tơtă truh kơ rơbâu jơhnơr.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Both 7:10

Păng pơm 'mong kơ lu bơngai bu mă areh kơ Sư, na pơlôch pơđĭ lê̆ lu sư. Sư ưh kơ pơhiơ̆ ôh pơm kơ bơngai bu mă areh kơ Sư, Sư gô pơm plơ̆ hloi hăm lu bơngai sơngah kơ Sư.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.