Jo 14:14 - Sơ̆p Hlabơar Nơ̆r 'Bok Kei-Dei

¹⁴ păng đei roi tơbăt ăn kơ kon pơlei char 'nâu. Ơ! Kră Yang lu sư băt Ih oei hơdai hăm lu kon pơlei âu, yua kơ Ih tơ'bôh kơ lu sư, hơmơ̆l dơ̆ng boih kơpal lu kon pơlei âu păng Ih yak adrol, jrăng hơmơ̆l gah kơ'năr, jrăng ŭnh gah kơmăng.

Jo 14:14 Iomraidhean Croise

Bl 32:30

Jakôp krao anăn anih noh Phênielc Yua kơ sư khan thoi âu: Inh 'bôh boih Kră Yang 'Bok Kei-Dei 'bơ̆t tơm măt inh păng inh gơh oei arih.

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Horiso 105:39

Sư bơyar hơmơ̆l wă kơ pơyơ̆l kơ kon pơlei Sư, Păng kơmăng đei ŭnh pơchrang hơdah.

Horiso 78:14

Sư chông ba lu sư kơ'năr hăm hơmơ̆l, kơmăng hăm hơdah ŭnh.

Le 15:14

Lu adrĕch bơngai tơmoi, lu sư hli tơtơ̆. Kon pơlei Philistin hli krưp tih tơpă.

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

Le 40:38

Lăm rim trong kon pơlei Isơrael yak năm đei hơmơ̆l Kră Yang tơ kơpal Bơsŭn Anih Akŭm tơ kơ'năr đei hơmơ̆l gom păng kơmăng đei ŭnh lĕch pơchrang kơpal tơ'bôh 'bơ̆t anăp đĭ-đăng kon pơlei Isơrael.

Jo 10:34

Kơplah kơ'năr, kon pơlei Isơrael yuih anih bơsŭn lu sư yak năm, na hơmơ̆l Kră Yang kiơ̆ hơdai kơpal lu sư.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 14:9

Yêsu khan: “Ơ Philip, Inh oei păng lu iĕm đunh boih, lơliơ ih tam băt kơ Inh. Bơngai bu 'bôh Inh boih, bơngai 'noh dang 'bôh 'Bă Inh mơ̆n. Na lơliơ ih khan: ‘Tơ'bôh kơ nhôn 'Bă Ih bĕ, dôm noh boih nhôn wă’?

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 34:10

Đơ̆ng năr noh, lăm lu bơngai Isơrael ưh kơ đei bơngai bu khan lê̆ adrol nhen thoi Môis, mă Kră Yang băt juăt kơ tơ'bơ̆p pơma dơnuh,

Both 5:24

Na khan: Kră Yang 'Bok Kei-Dei lu nhôn tơ'bôh boih tơdrong rang mơnhal păng tơdrong krưp tih Sư kơ lu nhôn păng lu nhôn đei kơtơ̆ng boih nơ̆r Sư đơ̆ng lăm ŭnh; năr âu lu nhôn 'bôh boih Kră Yang 'Bok Kei-Dei pơma dơnuh hăm kon bơngai mă-lei lu nhôn oei arih.

Both 5:4

Kră Yang pơma boih hăm lu iĕm tơ kơpal kông đơ̆ng lăm ŭnh.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.