Jo 14:13 - Sơ̆p Hlabơar Nơ̆r 'Bok Kei-Dei

¹³ Môis tơl Kră Yang thoi âu: Lu kon pơlei char Êyiptơ gô kơtơ̆ng, ih chông tơlĕch lu kon pơlei Isơrael âu hăm tơdrong mơsêh mơyang pran kơtang Ih,

Jo 14:13 Iomraidhean Croise

Horiso 106:23

Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Êsêkiên 20:14

Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.