Jo 14:12 - Sơ̆p Hlabơar Nơ̆r 'Bok Kei-Dei

¹² Inh gô ăn kơ kon pơlei âu jĭ lôch hơbuh, Inh gô pơrăm lê̆ dôm tơmam mă lu sư đei, na Inh gô pơjing minh adrĕch lĕch dơ̆ng ih kơdrâ̆m păng pran kơtang hloh kơ lu sư.

Jo 14:12 Iomraidhean Croise

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

Le 32:10

Thoi noh dang ei, lê̆ Inh hil mĭl kơ lu sư, pơrăm pơtôch lê̆ lu sư; mă-lei Inh gô pơjing đơ̆ng ih minh adrĕch adrung tih tơpă.

Le 5:3

Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Jo 25:9

Na, wă đei 'bar-jĭt puăn-rơbâu 'nu bơngai lôch yua kơ tơdrong pơrăm truh âu.

Both 28:21

Kră Yang gô ăn jĭ hơbuh druh kiơ̆ iĕm dĭng Sư pơrăm iĕm lôch hiong đĭ đơ̆ng teh mă iĕm gô mơ̆t iŏk.