Jo 13:33 - Sơ̆p Hlabơar Nơ̆r 'Bok Kei-Dei

³³ Lu nhôn 'bôh lu sư tih kơjung, noh lu kon sâu Anak, adrĕch bơngai nuih pran kơtang; lu nhôn lăng bơ̆n kơdih rŏ thoi lep 'ba, lu sư lăng lu nhôn kư̆m thoi noh mơ̆n.

Jo 13:33 Iomraidhean Croise

Bl 6:4

Chăl noh păng chăl đơ̆ng rŏng kơ noh đei lu bơngai mă tih kơjung arih kơpal teh, yua kơ tơdăm yang oei hơdai hăm lu adruh kon bơngai na pơjing kon hơ'lơ̆p; noh lu bơngai nuih kơtang sơ̆ đe ư-ang kơ lu sư.

I Ho 11:23

Sư kư̆m pơlôch minh 'nu bơngai Êyiptơ kơjung 'bar hlok minh hơgăt mă bơngai Êyiptơ ti sư chĕp tơju tih tŏ 'long hơtơ̆ng brai, Bênaia năm tơblah sư chĕp minh pôm 'long tơnôn, na tơgar iŏk tơju đơ̆ng ti bơngai Êyiptơ na 'bet pơlôch bơngai noh.

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Jo 13:22

Lu sư yak năm đơ̆ng gah gơal tŏk truh tơ pơlei tih Hêbrôn, tơ noh đei Ahiman, Sêsai păng Tanmai, lu kon sâu Anak oei tơ noh. Đe pơjing pơlei tih Hêbrôn tơpơh sơnăm adrol kơ pơlei Sôan lăm char Êyiptơ,

Jo 13:28

Mă-lei kon pơlei oei lăm char noh bơngai pran kơtang, anih pơlei dur kơjăp păng tih; mă-lei lu nhôn 'bôh đei kon sâu Anak oei tơ noh.

Jo 14:1

Đĭ-đăng lu tơpôl bơngai akŭm ôr re păng lu kon pơlei nhơ̆m hmoi lăm măng noh.

Both 1:28

Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Both 2:10

Adrol sơ̆, kon pơlei Êmim oei tơ noh, jơ̆ minh adrĕch kon pơlei tih, lơ, akâu tih hơbŏ thoi adrĕch bơngai Anakim.

Both 3:11

Gah adrĕch Rêphaim oei đei minh 'nu Ôka arih pơtao char Basan, giơng sư pơm păng mam tor giơng tơsĭn hơgăt, wơ̆l giơng puăn hơgăt. Oei đei tơ Raba pơlei tih kon sâu Ammôn,

Both 9:2

Lu adrĕch bơngai tih kơjung, pran kon sâu Anakim, mă iĕm băt boih păng iĕm đei kơtơ̆ng đe roi khan: Bơngai bu gơh kĕ dơ̆ng 'bơ̆t anăp kon sâu Anak?

Jôsuê 11:21

Kơplah noh Jôsuê năm blah kon pơlei Anakim, oei tơ kơpal groi kông, tơ pơlei Hêbrôn, Đêbir, Anap, đơ̆ng jơ̆p kơpal kông groi Juđa, hăm kông groi Isơrael, Jôsuê blah pơlôch pơrăm lu sư, hăm lu pơlei tih lu sư hloi.

Jôsuê 14:12

Hrei âu ăn bĕ kơ inh teh kông groi âu, mă Kră Yang pơkă boih wă ăn kơ inh lăm năr noh sơ̆, ih kư̆m kơtơ̆ng băt boih năr noh sơ̆ đei kon pơlei Anakim oei tơ noh păng đei pơlei tih să kơjăp, mă-lei đei Kră Yang tơgŭm inh, na inh gô pơpuh lu sư, kiơ̆ thoi Kră Yang khan boih.

Jôsuê 15:14

Đơ̆ng pơlei Hêbrôn Kalep puh tơweh pêng adrĕch Anak noh adrĕch Sêsai, Ahiman păng Thalmai noh adrĕch adrung Anak ngăl.

I Sam 17:24

Đĭ-đăng lu linh bơngai Isơrael 'bôh Gôliat hli tơrơ, chă kơdâu ôn.

I Sam 17:42

Bơngai Philistin noh lăng tơ Đawit, pơjăm hloi, 'bôh sư oei mơlôh akâu jăn muh măt sư 'lơ̆ng.