Jo 13:29 - Sơ̆p Hlabơar Nơ̆r 'Bok Kei-Dei

²⁹ Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Jo 13:29 Iomraidhean Croise

Bl 14:7

Đơ̆ng noh lu pơtao krao akŭm lu linh sư brŏk truh tơ Ênmispatb mă krao Kêdêh, wang blah jơ̆p kơ tơring Amalek păng kon pơlei Amôrit oei tơ Hasasôn Tamar.

Ne 9:8

Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Horiso 83:7

Gêbal, Ammôn păng Amalek, bơngai Philistin, hăm kon pơlei Tirơ,

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Jo 13:17

Thoi noh, Môis wơh lu sư năm chop dăr lăng char Kanaan păng pơkă khan: Đơ̆ng âu tŏk năm bĕ tơ thŭng glă gah gơal păng năm tŏk tơ gah groi kông;

Jo 13:30

Kalep pơm ăn kơ lu kon pơlei oei hreh 'bơ̆t anăp Môis, na sư khan: Lu bơ̆n athei năm tŏk blah iŏk oei hloi lăm char noh, gô jei lu bơ̆n.

Jo 14:25

Kon pơlei Amalek păng kon pơlei Kanaan oei lăm thŭng; dơning lu iĕm athei kơdŭn tơ rŏng 'biơ̆, năm rok char glă gah đak Dơsĭ 'Brê.

Jo 14:43

To, kon pơlei Amalek păng kon pơlei Kanaan oei 'bơ̆t anăp iĕm, lu iĕm gô pơ̆k lôch kơ đao gưm đĭ, yua kơ lu iĕm blah Kră Yang boih, Kră Yang ưh kơ oei hơdai iĕm.

Jo 14:45

Kon pơlei Amalek păng kon pơlei Kanaan đơ̆ng kông noh jur druh blah prah pơlôch pơrăm lu kon pơlei Isơrael, dĭng truh tơ pơlei Horma.

Jo 24:20

Balaam kư̆m 'bôh Amalek, na roi tơbăt adrol khan: Amalek jing kơ̆l kơ đĭ-đăng teh đak; mă-lei tuch-luch sư, kư̆m gô lôch.

Both 20:17

Athei pơlôch pơrăm đĭ, kon pơlei Hêtit, kon pơlei Amôrit, kon pơlei Kanaan, kon pơlei Pêrisit, kon pơlei Hêwit, kon pơlei Jêbus, kiơ̆ thoi Kră Yang 'Bok Kei-Dei iĕm đei pơkă boih.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Jôsuê 10:5

Thoi noh pơđăm 'nu pơtao bơngai Amôrit, wă khan pơtao pơlei Jêrusalem, pơtao pơlei Hêbrôn, pơtao Jarmut, pơtao Lakis păng pơtao pơlei Eglôn, akŭm đĭ-đăng lu linh sư tŏk năm hơdai wă năm blah Gibeôn,

Jôsuê 10:6

Kon pơlei bơngai Gibeôn wơh bơngai năm tơ Jôsuê lăm anih lu sư oei pơdơh tơ Gilgal: Apinh ih 'nĕ kơ achăng lê̆ đĭch đam ih, jah năm mă tĕnh bĕ dŏng pơklaih lu nhôn. Tơgŭm lu nhôn, yua kơ đĭ-đăng pơtao Amôrit oei lăm char groi kông wă năm blah lu nhôn.

Jôsuê 3:10

Jôsuê khan dơ̆ng: Yua kơ đơ̆ng tơdrong âu, na lu iĕm gô băt Kră Yang 'Bok Kei-Dei arih ling-lang Sư oei hơdai hăm lu iĕm păng Sư gô puh tơweh lê̆ lu bơngai Kanaan, bơngai Hêtit, bơngai Hêwit, bơngai Phêrisit, bơngai Girgasit, bơngai Amôrit păng bơngai Jêbus.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Jôsuê 9:1

Đĭ-đăng lu pơtao gah bơmơ̆t kơ đak Krong Jôrđăn đei kơtơ̆ng tơdrong âu, lu pơtao oei lăm bri kông, lăm thŭng dơnă, ala jơ̆ng kông gah bơmơ̆t păng tơring rok tơter đak Dơsĭ Tih truh tơ Liban, noh lu pơtao kon pơlei Hêtit, kon pơlei Amôrit, kon pơlei Kanaan, kon pơlei Perêsit, kon pơlei Hêwit, kon pơlei Jêbus,

Lu 3:5

Thoi noh kon pơlei Isơrael oei hơdai hăm kon pơlei Kanaan, kon pơlei Hêtit, kon pơlei Amôrit, kon pơlei Phêrisit, kon pơlei Hêwit păng kon pơlei Jêbus,

Lu 6:3

Mưh lu bơngai Isơrael chă rei adrĕch, kon pơlei Miđian hăm kon pơlei Amalek păng bơngai đơ̆ng gah hơlĕch năm blah bơngai Isơrael.

I Sam 14:48

Sư nuih kơtang tơblah bơngai Amalek păng dŏng pơklaih Isơrael đơ̆ng ti bơngai chă blah tơgar iŏk.

I Sam 27:8

Đawit păng lu bơngai kiơ̆ sư năm blah iŏk teh bơngai Gêsurit, kon pơlei bơngai Girsi păng kon pơlei bơngai Amalek, lu bơngai mă oei đơ̆ng sơ̆ rok dêh Sur dĭng truh tơ dêh Êyiptơ.

I Sam 30:1

Đawit hăm lu bơngai kiơ̆ sư truh tơ Siklak, lăm năr mă pêng kon pơlei Amalek truh boih tơ gah gơal kơ pơlei Siklak, blah soh pơđĭ pơrăm pơlei noh;

I Sam 7:14

Lu pơlei mă bơngai Philistin đei blah iŏk đơ̆ng bơngai Isơrael đơ̆ng pơlei Ekrôn truh tơ pơlei Gat, lu sư pơdrâu đĭ kơ bơngai Isơrael; bơngai Isơrael đei iŏk teh noh đơ̆ng bơngai Philistin pơgơ̆r na đei tơdrong rơngei oei hiôk-hian bơngai Isơrael hăm bơngai Amôrit.