Jo 13:20 - Sơ̆p Hlabơar Nơ̆r 'Bok Kei-Dei

²⁰ teh lu sư jang sa, 'lơ̆ng dah kơnê̆, hăm đei 'long dah ưh. Athei mă nuih păng phĕ ba plei hơmu đum.

Jo 13:20 Iomraidhean Croise

I Ho 22:11

Dang ei ơ dăm ăn kơ Kră Yang oei hơdai hăm ih, tơgŭm ih lăm tơdrong pơm hnam kơkuh kơ Kră Yang 'Bok Kei-Dei ih, kiơ̆ thoi Sư đei khan boih gah ih.

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Ne 9:35

Tơ lăm dêh sư oei pŭn hiôk rơkah rơkai đơ̆ng Ih ăn, teh rơhơi să păng jing 'lơ̆ng Ih asong ăn, mă-lei lu sư ưh kơ wă kơkuh kơ Ih, ưh kơ weh ôh đơ̆ng tơdrong jang kơnê̆ lu sư.

Êsêkiên 34:14

Inh gô wei rong lu sư tơ anih 'nhĕt 'lơ̆p hơdrih; hơdrong lu sư oei tơ kơpal kông Isơrael, tơ noh lu sư gô 'bĭch pơdơh hiôk-hian păng sa 'nhĕt 'lơ̆p hơdrih tơ jơ̆p kơpal kông Isơrael.

Da 11:24

Sư gô yua kơplah đe oei hiôk-hian rơnŭk rơnua noh tơgar iŏk teh 'lơ̆ng hloi lăm tơring ei păng gô pơm lu tơdrong mă 'bok yă păng lu kră sơ̆ tam biơh pơm; iŏk dôm lu tơmam mă đêl sư tơgar iŏk, asong mŭk tơmam noh kơ lu bơngai mă kiơ̆ sư, chă đon blah iŏk anih kơđông, mă-lei sư pơgơ̆r ưh kơ đunh.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Jo 13:19

Lăng dêh char lu sư oei noh 'lơ̆ng dah kơnê̆; lăng lăm pơlei tih noh, lu sư chă oei pơm bơsŭn pơdơh đĕch dah đei anih hnam dur kơjăp;

Both 1:24

Mơjĭt-'bar 'nu lu đe noh năm, tŏk tơ kông, năm truh tơ thŭng Êskôl chop lăng dêh noh.

Both 1:25

Lu sư phĕ chĕp ba plei 'long đơ̆ng dêh noh, ăn kơ lu bơ̆n; roi ăn kơ lu bơ̆n khan: Dêh mă Kră Yang 'Bok Kei-Dei bơ̆n ăn kơ lu bơ̆n 'lơ̆ng dêh.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 2:3

Pơtao pơlei Jêrikô wơh đe năm khan kơ Rahap: Tơlĕch bĕ bre 'bar 'nu bơngai drŏ-nglo mơ̆t lăm hnam ih, yua kơ 'bar 'nu bre noh năm tơ âu wă chop lăng teh đak bơ̆n.