Jo 12:7 - Sơ̆p Hlabơar Nơ̆r 'Bok Kei-Dei

⁷ Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Jo 12:7 Iomraidhean Croise

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Horiso 105:26

Sư wơh Môis đĭch đam Sư păng Arôn bơngai mă Sư rơih boih.

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Mathiơ 11:11

Inh khan kơ iĕm tơpă, Yôhan sư tih hloh kơ đĭ-đăng bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.

Mathiơ 11:9

Lei iĕm chă kiơ? Iĕm năm chă bơngai pơtruh nơ̆r 'Bok Kei-Dei hăm trŏ? Trŏ boih, iĕm chă bơngai pơtruh nơ̆r 'Bok Kei-Dei. Inh khan kơ iĕm tơpă, Yôhan boih sư tih hloh kơ đĭ-đăng lu bơngai mă pơtruh nơ̆r 'Bok Kei-Dei sơ̆.

Jang 7:31

Môis lăng ŭnh sa 'long ei sơleng kơ đon. Sư năm mă jê̆ 'long ei wă lăng na kơtơ̆ng nơ̆r 'Bok Kei-Dei khan kơ sư thoi âu:

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

Both 18:18

Inh gô rơih pôk ăn minh 'nu bơngai khan lê̆ adrol thoi ih đơ̆ng, lăm 'nhŏng oh lu sư. Inh gô ăn nơ̆r Inh pơma lăm 'bơ̆r sư, na sư gô pơma ăn kơ lu sư dôm tơdrong Inh tơtă kơ lu sư.

Both 34:5

Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.

Jôsuê 1:2

Môis đĭch đam Inh hlôi lôch, dang ei kon pơlei pơla ih iung bĕ, năm tŏk găn kơ đak Krong Jôrđăn, truh tơ teh đak mă Inh gô ăn kơ lu adrĕch adrung Isơrael.