Jo 12:6 - Sơ̆p Hlabơar Nơ̆r 'Bok Kei-Dei

⁶ Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Jo 12:6 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

Bl 28:12

Na sư đei apo 'bôh minh pôm kung đơ̆ng teh âu truh tơ plĕnh, lu linh jang Kră Yang 'Bok Kei-Dei jur tŏk rok kung noh.

Bl 28:16

Jakôp sư hơđơ̆r, iung khan thoi âu; tơpă đei Kră Yang tơ anih 'nâu mă inh ưh kơ băt!

Bl 37:5

Jôsep đei tep apo; na roi ăn kơ lu 'nhŏng oh sư mơ̆ng lu 'nhŏng sư rai blĕk kơ sư dêh. Đơ̆ng noh sư roi thoi âu: Inh đei tep apo 'bôh,

Bl 37:9

Jôsep tep apo dơ̆ng, roi dơ̆ng kơ lu 'nhŏng oh sư thoi âu: Inh oei đei apo pă minh dơ̆ng: 'Nâu đei măt 'năr, măt khei păng mơjĭt-mônh tŏ sơnglŏng đĭ-đăng tă kơ drap kơkuh 'bơ̆t anăp inh!

Bl 46:2

Lăm măng ei đei kơtơ̆ng Kră Yang 'Bok Kei-Dei khan kơ sư thoi âu: Jakôp, Jakôp! Isơrael tơl: Đei inh tơ âu.

II Sam 7:4

Mă-lei lăm măng noh hloi, đei nơ̆r Kră Yang khan kơ Nathan:

I Pot 3:15

Na Sôlômôn 'blơ̆ hơdơ̆r đơ̆ng tep mơn băt noh tơdrong apo. Sư iung brŏk tơ pơlei Jêrusalem, dơ̆ng 'bơ̆t anăp Hom Tơdrong Pơgơ̆p Kră Yang, pơyơ̆r tơmam soi 'buh păng pơyơ̆r tơmam soi bơnê păng pơih et sa tih hơdai hăm lu đĭch đam păng lu yŏng bơ̆jang kơ sư.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

Jop 33:15

Lăm tơdrong apo, lăm tơdrong tơ'bôh tơ kơmăng. Kơplah kon bơngai oei tep hlơ̆k, 'Bĭch tep tơ kơpal giơng sư,

Jop 4:13

Oei tep tơchĕng kơ tơdrong apo 'bôh kơmăng, kơplah tŏk-bŏk măng đĭ-đăng bơngai oei tep hlơ̆k

Horiso 105:15

Sư khan: “'Nĕ kơ hơtŭt 'bơm kơ lu bơngai mă inh đei tuh đak 'bâu phu, 'nĕ pơrăm lu bơngai khan lê̆ adrol Inh.”

Horiso 89:19

Sơ̆ lăm tơdrong tơ'bôh, Ih đei pơma hăm lu bơngai 'lơ̆ng rơgoh Ih. Na khan: “Inh tơgŭm ăn boih kơ bơngai pran kơtang Inh hơtŏk bơngai mă đei rơih iŏk boih đơ̆ng lăm kon pơlei

Le 7:1

Kră Yang pơma hăm Môis khan: Lăng, Inh pôk ih nhen thoi Kră Yang 'Bok Kei-Dei kơ Pharaôn, na Arôn 'nhŏng ih gô thoi bơngai khan lê̆ adrol ăn kơ ih.

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Da 10:8

Thoi noh oei pă minh 'nu inh păng inh 'bôh tơdrong tơ'bôh tih noh na inh pă đei jơhngơ̆m hloi. Muh măt inh jing hơ'blă păng jing ưh kơ đei jơhngơ̆m dơ̆ng.

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Da 7:1

Sơnăm blŭng-a chăl pơtao Belsatsar pơgơ̆r, teh đak Babilôn, Đaniel apo 'bôh păng đei 'bôh lăm tơdrong tơchĕng kơplah sư oei 'bĭch kơpal giơng sư. Na sư chih hloi dôm tơdrong apo noh păng roi tơblang lu tơdrong noh.

Da 8:2

Thoi âu, lăm tơdrong đei 'bôh tơ'bôh kơ inh noh; inh 'bôh akâu inh oei lăm hnam pơtao Susơ, tơring Êlam; păng inh oei cheng glung Ulai.

Hôsia 12:11

Gileat kơnê̆ tơpă, lu sư ưh kơ yua kiơ. Lu sư pơm yang hăm rơmo tơno tơ Gilgal. Chơnang soi lu sư gô jing pôi tơmo tơ lăm trong đêl choh lăm mir.

Jôel 3:1

'Nâu, lăm chăl noh, lăp năr noh 'bơ̆t năr Inh gô ăn dơ̆ng tơdrong pŭn hiôk kơ lu bơngai Juđa păng pơlei Jêrusalem,

Sa 1:8

Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Jo 24:4

nơ̆r hơri đơ̆ng bơngai mă sư kơtơ̆ng nơ̆r Kră Yang 'Bok Kei-Dei boih, Bơngai mă 'bôh tơdrong tơ'bôh đơ̆ng Kră Yang mơsêh mơyang sư bon drap kơkuh păng măt sư lar boih.

Mathiơ 1:20

Kơplah sư oei tơchĕng tơdrong 'noh, na măng noh sư apo 'bôh linh jang 'lơ̆ng 'Bok Kei-Dei jur khan kơ sư thoi âu: “Ơ Yôsep, kon sâu Đawit, ih 'nĕ kơ hli iŏk Mari pơm akăn ih, mă sư oei anăp dang ei noh đơ̆ng Yang Bơhngol 'Lơ̆ng ăn kơ sư.

Mathiơ 2:19

Đơ̆ng rŏng kơ pơtao Hêrôt lôch, Yôsep apo 'bôh linh jang 'lơ̆ng 'Bok Kei-Dei jur khan kơ sư tơ dêh Êyiptơ:

Mathiơ 23:31

Iĕm krao lu sư yă 'bok noh trŏ tơpă yua kơ iĕm oei wă pơm thoi lu sư.

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 27:19

Kơplah Pilat oei tơ hnam sek tơlang, na akăn sư athei đe khan kơ klo sư thoi âu: “E 'nĕ pơm kơnê̆ kơ Yêsu hŏ, Sư ưh kơ đei yoch ôh. Inh sơ'ngon dêh yua kơ inh apo 'bôh tơdrong Sư măng hei hlĭch tơpă.”

Luka 1:11

Na blư 'bôh hloi linh jang 'lơ̆ng đơ̆ng 'Bok Kei-Dei jur dơ̆ng gah 'ma kơ chơnang soi soh 'long pơgang 'bâu phu ei.

Luka 1:22

Lăp Sachari lĕch sư ưh kơ gơh pơma kơ đe na lu sư băt kơ Sachari 'bôh tơdrong hlĭch lăm noh. Na sư pơma kơmlo ăn kơ đe đĕch.

Luka 20:6

Dah bơ̆n khan đơ̆ng kon bơngai, lei hli kơ lu kon pơlei klơ̆m bơ̆n păng tơmo, yua kơ lu sư lui kơ Yôhan bơngai pơtruh nơ̆r 'Bok Kei-Dei tơpă.”

Jang 10:17

Na Pêtrôs khan: “Inh tơchĕng thoi yơ kih tơdrong noh hei?” Na bơngai đơ̆ng Kôrnei truh boih tơ Pơlei Japa. Na sư jet đe tơ yơ hnam Simôn. Đe tơ'bôh kơ sư. Na sư truh tơ 'măng hnam boih.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Both 18:15

Đơ̆ng lăm lu iĕm Kră Yang 'Bok Kei-Dei iĕm gô pôk minh 'nu bơngai pơm 'bok khan lê̆ adrol thoi inh; đơ̆ng lăm lu 'nhŏng oh iĕm, lu iĕm athei mơ̆ng kiơ̆ sư!

Both 18:18

Inh gô rơih pôk ăn minh 'nu bơngai khan lê̆ adrol thoi ih đơ̆ng, lăm 'nhŏng oh lu sư. Inh gô ăn nơ̆r Inh pơma lăm 'bơ̆r sư, na sư gô pơma ăn kơ lu sư dôm tơdrong Inh tơtă kơ lu sư.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.

I Sam 3:15

Samuel tep dĭng truh hơdah, đơ̆ng noh sư pơih 'măng hnam akŭm Kră Yang. Sư hli na ưh kơ pơ̆n roi dôm tơdrong tơ'bôh kơ sư noh kơ Hêli.

I Sam 3:21

Kră Yang jur tơ'bôh dơ̆ng akâu Sư tơ kông Silơ, tơ kông Silơ Kră Yang tơ'bôh akâu sư kơdih, jur pơma dơnuh hăm Samuel.