Jo 12:3 - Sơ̆p Hlabơar Nơ̆r 'Bok Kei-Dei

³ Môis boih mă iŏk đon ala iơ̆m dim hloh kơ đĭ-đăng bơngai kơpal teh âu.

Jo 12:3 Iomraidhean Croise

Horiso 147:6

Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Jo 12:4

Chĭnh đei hloi nơ̆r Kră Yang khan kơ Môis, Arôn, Miriam thoi âu: Pêng 'nu iĕm athei năm bĕ tơ Bơsŭn Anih Akŭm, năm pơđĭ pêng 'nu iĕm hloi.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Mathiơ 5:5

“Pŭn dêh lu bơngai mă ưh kơ wă pơang akâu sư kơdih, lu sư gô đei iŏk tơmam 'Bok Kei-Dei pơkă.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 11:5

Iĕm tơchĕng lu bơngai noh jơ̆ng 'bang Yêsu Krist tơpă, lu sư hơgei tơpă hă? Inh hơgei mơ̆n, inh ưh kơ thuơ kơ lu sư ôh.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

I Tes 2:7

Hơtai nhôn oei păng iĕm ki, nhôn 'mêm kơeng kơ iĕm tơpă thoi lĕ bơ̆n 'mêm kơeng kơ kon nge bơ̆n 'nao tơpŭ.

Ya 3:13

Lăm lu iĕm hăm đei bơngai bu đei đon hơgei, đon hlôh wao băt tôm tơdrong? Sư athei pơm mă 'lơ̆ng na đe băt kơ sư bơngai đon hlôh, băt kơ sư bơngai dim gơh găt hăm đe tơpă.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.