Jo 12:2 - Sơ̆p Hlabơar Nơ̆r 'Bok Kei-Dei

² Bre sư khan: “Kră Yang yua lăp minh 'nu Môis đĕch hă, wă khan tơbăt kơ kon pơlei? Sư kư̆m ưh kơ wă yua ba hai ah?” Kră Yang kơtơ̆ng tơdrong noh.

Jo 12:2 Iomraidhean Croise

Bl 29:33

Sư đei anăp dơ̆ng tơpŭ kơ minh 'nu kon drŏ-nglo dơ̆ng, anăn sư Simêôn;b păng khan thoi âu; Kră Yang kơtơ̆ng păng băt kơ klo inh ưh kơ 'mêm kơ inh, na ăn thim kơ inh kon 'nâu.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

Le 4:14

Na Kră Yang hil mĭl kơ Môis na khan: Hăm trŏ Arôn bơngai Lêwi, 'nhŏng ih dah kiơ? Inh băt bơngai 'noh sư gơh pơma hơgei păng to, sư oei năm wă sơng ih; lăp sư 'bôh ih, lăm jơhngơ̆m sư hiôk dêh.

Le 4:30

Arôn ră roi đĭ dôm nơ̆r đơ̆ng Kră Yang đei pơma hăm Môis păng Môis kư̆m pơm tơdrong mơsêh hlĭch 'bơ̆t anăp kon pơlei.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 7:10

Na, Môis păng Arôn năm 'bơ̆t anăp Pharaôn păng pơm kiơ̆ thoi nơ̆r Kră Yang tơtă boih. Arôn klơ̆m 'long jra sư 'bơ̆t anăp măt Pharaôn păng lu đam sư, 'long jra noh jing minh dăng 'bih.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Jo 11:1

Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Jo 11:29

Môis tơl sư: Ih wă chrih gar kơ inh loh? Ô! Apơi rŏ kơ đĭ-đăng kon pơlei Kră Yang gơh pơma khan lê̆ adrol păng rŏ kơ Kră Yang ăn Yang Bơhngol kơ lu sư.

Jo 12:3

Môis boih mă iŏk đon ala iơ̆m dim hloh kơ đĭ-đăng bơngai kơpal teh âu.

Jo 16:3

na khan: Lê̆ pă yua kơ đĭ-đăng khŭl kon pơlei 'lơ̆ng rơgoh ngăl păng Kră Yang oei lăm lu sư. Yua kơ kiơ lu iĕm oei wă pơang kơdih tơ kơpal lu bơngai Kră Yang đei akŭm?

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

Philip 2:14

Mă pơm tơdrong kiơ kiơ iĕm 'nĕ kơ jŏk, 'nĕ kơ pơjah pơjăng;

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.