Jo 11:20 - Sơ̆p Hlabơar Nơ̆r 'Bok Kei-Dei

²⁰ Mă-lei dĭng truh tơ minh khei hloi, dĭng mă 'nhĕm iĕm 'bĕnh mah lĕch trong muh păng lu iĕm đĭ pă 'maih sa, yua kơ lu iĕm achăng lê̆ Kră Yang mă oei tŏk-bŏk lu iĕm păng nhơ̆m krao 'bơ̆t anăp Sư khan: Yua kơ kiơ lu nhôn mă lĕch đơ̆ng char Êyiptơ.

Jo 11:20 Iomraidhean Croise

II Sam 12:10

Thoi noh na, dao ưh kơ đei layơ pơdơh pơrăm hnam dơnŏ ih, yua kơ ih ưh kơ pơyom kơ Inh, tơgar iŏk akăn Uri, bơngai Hêtit, pơm akăn ih.”

Horiso 106:15

Kră Yang ăn kơ lu sư tơdrong lu sư apinh; Mă-lei ăn tơdrong jĭ răm truh kơ tơdrong arih lu sư,

Le 16:13

Lăp truh kơsơ̆, đei sem wăt jruh kôp 'bĕnh jơ̆p kơ anih; truh pơgê dơning đei tŭk gom jơ̆p kơ anih lu sư pơdơh.

Le 16:3

Lu bơngai Isơrael khan kơ bre sư: Ô! Kơtrơ̆m lu nhôn jah lôch lăm tơpang ti Kră Yang tơ dêh Êyiptơ đĕch, kơplah oei jê̆ gŏ 'nhĕm păng sŏng sa phĭ! Mă-lei măr iĕm chông ba lu nhôn năm tơ tơmăn glă 'nâu wă kơ lu nhôn lôch đĭ kơ pơngot.

Le 16:8

Môis khan dơ̆ng: Lu iĕm gô 'bôh Kră Yang ăn 'nhĕm sa kơsơ̆ 'nâu, 'bĕng sa pơgê dơning, yua kơ Kră Yang kơtơ̆ng boih nơ̆r lu iĕm hil jŏk kơ Sư. Lu nhôn âu bu? Dôm nơ̆r lu iĕm hil jŏk ưh kơ trŏ kơ hil jŏk kơ lu nhôn ôh, mă tơpă noh iĕm hil jŏk kơ Kră Yang.

Tơdrông Pơđơk 27:7

Lu bơngai phĭ đĭ kuă pơjuă lê̆ kơ̆l hơkoh sut tơ ala jơ̆ng. Mă-lei lu bơngai pơngot mă sa tăng lăng thoi 'ngam.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Jo 11:13

Inh gô chă đei 'nhĕm đơ̆ng yơ wă asong kơ đĭ-đăng lu kon pơlei âu? Yua kơ lu sư năm nhơ̆m tơ inh khan: Asong ăn kơ lu nhôn 'nhĕm sa.

Jo 11:19

Lu iĕm sa 'nhĕm ưh kơ sĭ lăp minh năr, lăp 'bar năr, lăp pơđăm năr, mơjĭt năr dah 'bar-jĭt năr đĕch ôh;

Jo 11:21

Môis tơl khan: Lăm kon pơlei mă inh oei âu, đei tơdrâu-hrĕng 'nu bơngai drŏ-nglo, na Ih khan: Inh gô ăn kơ kon pơlei âu sa 'nhĕm lăm minh khei.

Jo 14:3

Liơ mă Kră Yang chông ba lu nhôn mơ̆t tơ lăm dêh char 'nâu wă ăn kơ lu nhôn lôch ngôi kơ đao gưm đe? Kon akăn lu nhôn jing tơmam đe plah tơgar iŏk đĕch. Hăm trŏ 'lơ̆ng hloh lu nhôn jah wih hơlơ̆k tơ char Êyiptơ hă?

Jo 14:4

Đơ̆ng noh lu kon pơlei pơma pơđâu tơduă lu sư khan: Bĕ bơ̆n chă pơjing pôk minh 'nu pơm yŏng pơgơ̆r bơ̆n jah wih hơlơ̆k tơ char Êyiptơ năm.

Jo 16:13

Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 20:4

Yua kơ kiơ ih chông ba lu khŭl kon pơlei âu năm tơ char glă âu, pơm ăn kơ lu nhôn păng sem dơrong nhôn lôch?

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

Jang 13:41

'Bok Kei-Dei khan: ‘Ơ lu iĕm bơngai che bơle kơ Inh, iĕm lăng, iĕm gô sơleng kơ đon, pă tam băt kơnh iĕm lôch. Inh pơm tơdrong mơsêh mơyang lăm chăl iĕm arih, đe gô roi kơ iĕm tơdrong noh, mă-lei iĕm ưh kơ wă lui.’ ”

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.