Jo 11:15 - Sơ̆p Hlabơar Nơ̆r 'Bok Kei-Dei

¹⁵ Tơdah Ih pơm kơ inh thoi noh păng dah inh đei tơdrong mơnat 'bơ̆t anăp ih, 'lơ̆ng hloh Ih jah pơlôch inh đĕch, wă kơ inh huay pă 'bôh tơdrong pơmat-tat inh!

Jo 11:15 Iomraidhean Croise

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

Jop 7:15

Kơtrơ̆m jah đe ket hơlŏng inh kơtĕch jơhngơ̆m, jah lôch 'lơ̆ng hloh kơ arih lăm kơting akâu âu.

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Je 15:18

Yua kơ kiơ tơdrong chhŭr nuih inh oei đei ling-lang, jĭ rơka lăm jơhngơ̆m inh rai dêh ưh kơ kĕ kơ klaih? Hăm trŏ Ih pơm kơ inh thoi thong đak ro ưh kơ tơpă, thoi tu đak hrĕng kro?

Je 20:18

Yua kơ kiơ đei tơpŭ kơ inh wă kơ inh pơmat-tat, gleh glăn, đĭ chăl arih inh mơlâu ling-lang?

Jôna 4:3

Ơ Kră Yang, dang ei, inh krao apinh Ih iŏk lê̆ tơdrong arih inh bĕ! Yua kơ gah inh, lôch 'lơ̆ng hloh kơ arih.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Ya 1:4

Păng bơ̆n athei adrin lui kơjăp khŏm khŏm wă kơ bơ̆n jing bơngai tơpăt huay kơ'bah tơdrong kiơ.