Jo 11:12 - Sơ̆p Hlabơar Nơ̆r 'Bok Kei-Dei

¹² Hăm trŏ kơ inh anăp tơpŭ lu sư ưh? Na mă Ih khan kơ inh: Pŭ krôp kon pơlei wei kon pơla âu lăm jơhngơ̆m ih bĕ, thoi bơngai 'bă mă pôk kon hơ'lơ̆p sư oei mŏm, dĭng mă truh tơ dêh char mă Ih đei pơkă wă ăn kơ lu 'bok yă lu sư.

Jo 11:12 Iomraidhean Croise

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 24:7

Kră Yang, Kră Yang 'Bok Kei-Dei plĕnh teh, jơ̆ Kră Yang mă chông ba inh, lê̆ mĕ 'bă, lê̆ 'nhŏng oh, lê̆ dêh char inh, đei pơma pơkăm pơkă hăm inh thoi âu: Inh gô ăn kơ adrĕch adrung ih dêh char âu. Sư gô wơh linh jang sư năm adrol kơ ih păng tơ anih ih gô chă ăn kơ kon inh akăn.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

II Pot 10:1

Tơ Samari, đei tơpơh-jĭt 'nu kon drŏ-nglo Ahap oei lăm Pơlei Samari. Jêhu chih kơthơ ăn kơ lu kră pơlei păng lu yŏng pơgơ̆r tơ Jêsreel păng lu bơngai mă wei-lăng kon drŏ-nglo Ahap chih khan:

II Pot 10:5

Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

Le 13:11

Layơ Kră Yang chông iĕm mơ̆t tơ dêh Kanaan, kiơ̆ thoi Sư pơkă pơ'ngam bơih hăm ih păng 'bok ih, sư gô pơjao dêh noh kơ ih,

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Le 33:1

Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Yo 10:11

“Inh bơngai wei triu 'lơ̆ng tơpăt. Inh chu lôch yua kơ triu Inh.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

Both 1:31

Păng lăm char glă, jơ̆ anih lu iĕm 'bôh lăm trong lu iĕm yak năm, mă truh tơ anih 'nâu, Kră Yang 'Bok Kei-Dei pôk glơng iĕm thoi minh 'nu bơngai drŏ-nglo pôk glơng kon drŏ-nglo sư kơdih.

I Tes 2:7

Hơtai nhôn oei păng iĕm ki, nhôn 'mêm kơeng kơ iĕm tơpă thoi lĕ bơ̆n 'mêm kơeng kơ kon nge bơ̆n 'nao tơpŭ.