Jo 11:1 - Sơ̆p Hlabơar Nơ̆r 'Bok Kei-Dei

¹ Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Jo 11:1 Iomraidhean Croise

Bl 38:10

Mă-lei tơdrong sư pơm thoi noh Kră Yang ưh kơ lăp đon, na Kră Yang kư̆m pơlôch sư dơ̆ng.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

II Pot 1:12

Mă-lei Êli tơl yŏng linh ei: “Dah inh bơngai Kră Yang 'Bok Kei-Dei yua, inh apinh ŭnh đơ̆ng plĕnh jruh sa lê̆ ih hăm pơđăm-jĭt 'nu linh ih noh hloi. Ŭnh Kră Yang 'Bok Kei-Dei jruh hloi đơ̆ng plĕnh chhông sa lê̆ yŏng linh ei hăm pơđăm-jĭt 'nu linh sư.

Jop 1:16

Bơngai âu oei pơma, na blư kơ minh 'nu bơngai nai truh roi: “Glaih đơ̆ng Kră Yang 'Bok Kei-Dei kơpal plĕnh taih, ŭnh sa đĭ lu triu păng lu bơngai wei triu ih, lăp minh 'nu inh đĕch klaih năm roi ăn kơ ih.”

Horiso 106:18

Đei ŭnh sa khŭl lu sư, pla ŭnh sa đĭ lu bơngai pơm kơnê̆.

Horiso 78:21

Wă kơ Kră Yang kơtơ̆ng na Sư hil dêh; ŭnh Sư hil soh sa Jakôp. Sư kư̆m hil kơ Isơrael.

Horiso 78:63

Ŭnh sa lu kon tơdăm lu sư. Păng kon adruh lu sư ưh pă đei bu iŏk oei.

Le 16:7

Na pơgê dơning lu iĕm gô 'bôh tơdrong ư-ang tih Kră Yang, yua kơ Sư kơtơ̆ng boih nơ̆r lu iĕm hil jŏk kơ Sư, lu nhôn âu bu na mă lu iĕm mah hil jŏk kơ lu nhôn?

Le 16:9

Môis khan kơ Arôn: Khan bĕ kơ đĭ-đăng kon pơlei Isơrael: Năm jê̆ 'bơ̆t anăp Kră Yang, yua kơ Sư kơtơ̆ng boih nơ̆r lu iĕm jŏk hil.

Êsai 10:17

Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.

Êsêkiên 20:36

Thoi Inh hlôi sek tơlang 'bok yă lu iĕm lăm char glă tơ Êyiptơ, inh kư̆m sek tơlang lu iĕm thoi noh mơ̆n, Kră Yang khan thoi noh.

Lêwi 10:2

Ŭnh đơ̆ng anăp Kră Yang soh chhông bre noh, na măr sư lôch hloi 'bơ̆t anăp Kră Yang.

Na 1:5

Lu kông pơpơ̆ 'bơ̆t anăp Sư, lu groi gô hach hiong; teh đak păng lu kon bơngai oei kơpal teh đak, đĭ-đăng kon bơngai jơ̆p kơ teh đak rŭng răng.

Habakuk 3:5

Tơdrong jĭ hơbuh răm năm adrol kơ Sư, 'Brơ̆m ŭnh lĕch đơ̆ng jơ̆ng Sư.

Jo 10:33

Thoi noh, kon pơlei bơngai Isơrael yak năm đơ̆ng kông Kră Yang, pêng năr kơ trong; hom tơdrong pơgơ̆p Kră Yang yak adrol kơ lăm pêng năr kơ trong 'nâu, wă chă anih ăn kơ kon pơlei pơdơh.

Jo 11:18

Ih athei roi tơbăt ăn kơ kon pơlei thoi âu: Pơgê dơning athei rim 'nu hơmet akâu kơdih mă 'lơ̆ng rơgoh; lei na lu iĕm đei 'nhĕm sa, yua kơ lu iĕm nhơ̆m boih, đon Kră Yang kơtơ̆ng lu iĕm nhơ̆m khan: Bu gô ăn kơ lu nhôn 'nhĕm sa, yua kơ lu nhôn đĭ hiôk boih oei lăm dêh char Êyiptơ, na Kră Yang gô ăn kơ lu iĕm 'nhĕm sa, na lu iĕm gô đei 'nhĕm sa.

Jo 12:2

Bre sư khan: “Kră Yang yua lăp minh 'nu Môis đĕch hă, wă khan tơbăt kơ kon pơlei? Sư kư̆m ưh kơ wă yua ba hai ah?” Kră Yang kơtơ̆ng tơdrong noh.

Jo 14:2

Đĭ-đăng lu bơngai Isơrael jŏk kơ Môis păng Arôn; đĭ-đăng lu bơngai tơpôl khan kơ bre sư thoi âu: 'Lơ̆ng hloh kơ lu nhôn jah lôch tơ lăm char Êyiptơ ki, dah jah lôch tơ lăm char glă âu đĕch!

Jo 14:22

lu iĕm 'bôh boih dôm tơdrong ư-ang, tơdrong hlĭch chrơp Inh đei pơm boih lăm char Êyiptơ păng lăm char glă, lu iĕm đei pơlong lăng Inh mơjĭt wơ̆t păng kuă pă mơ̆ng nơ̆r Inh,

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.

Jo 14:28

Khan bĕ kơ tơpôl kon pơlei: Kră Yang khan thoi âu: Inh pao tơdrong arih Inh na pơkă, Inh gô pơm kơ lu iĕm kiơ̆ thoi nơ̆r mă Inh đei kơtơ̆ng lu iĕm pơm;

Jo 16:11

Yua kơ thoi noh ih păng lu khŭl kiơ̆ ih oei pơgơ̆p chă đon wă blah Kră Yang! Arôn noh bu mă lu iĕm hil jŏk kơ sư?

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Jo 17:5

Bơngai bu mă inh rơih iŏk, 'long jra noh đei bluh pơkao; thoi noh Inh wă chĭt lê̆ 'bơ̆r lu bơngai Isơrael mă đei jŏk pơjah hăm lu iĕm.

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

Both 25:18

Lu sư ưh kơ băt hli yom kơ Kră Yang 'Bok Kei-Dei, na druh blah pơlôch đĭ lu bơngai yak đơ̆ng rŏng, kơplah iĕm rok trong, 'bơ̆t lu iĕm oei lap gleh rơmơ̆n rơmok.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Both 9:22

Lu iĕm kư̆m đei pơm tơblĕk Kră Yang tơ Tabêra, tơ Masa păng tơ Kirôt, Hatawa.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.

Ju 1:16

Lu bơngai mă wă pơlung iĕm noh, lu sư pran kơ pơma mơmơnh dêh, pơma hơwĕng ưh kơ băt hrăp. Lu sư kiơ̆ kơ jơhngơ̆m kơdih hưch hanh 'maih pơm tơdrong kư̆ kă, pơma re 'bơ̆r, pơang akâu kơdih; sư pơma kơ bơ̆n hơlom, wă pơyua akâu sư kơdih.