Jo 10:29 - Sơ̆p Hlabơar Nơ̆r 'Bok Kei-Dei

²⁹ Môis khan kơ Hôbap kon drŏ-nglo Rêuel, bơngai Madian, Hêbap 'nhŏng akăn sư, thoi âu: Lu nhôn năm truh tơ dêh char mă Kră Yang đei pơkă khan: Inh gô ăn kơ lu iĕm dêh char noh. Apinh ih năm hơdai nhôn, lu nhôn gô pơm 'lơ̆ng hăm ih; yua kơ Kră Yang pơkă wă ăn pŭn hiôk kơ kon pơlei adrĕch Isơrael.

Jo 10:29 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

Horiso 100:1

Ơ đĭ-đăng bơngai mă oei lăm teh đak. Ôr chơt hiôk bĕ kơ Kră Yang!

Horiso 34:8

Pơlong lăng bĕ Kră Yang na 'bôh Sư 'lơ̆ng tơpăt dang yơ! Pŭn dêh kơ bu băt kơ'nơp lăm Sư!

Horiso 95:1

Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;

Le 18:1

Jêthrô, 'bok soi dêh Madian tơnei Môis, kơtơ̆ng dôm tơdrong Kră Yang 'Bok Kei-Dei đei pơm ăn kơ Môis hăm kon pơlei Isơrael păng Kră Yang chông ba kon pơlei Isơrael lĕch đơ̆ng dêh Êyiptơ thoi yơ.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Le 18:27

Đơ̆ng noh, Môis ba tơnei sư wih tơ dêh sư kơdih.

Le 2:18

Lăp lu kon adruh sư wih tơ hnam Jêthrô 'bă lu sư, jet lu sư: Liơ mă năr 'nâu lu iĕm wih tơ hnam hrôih dêh?

Le 2:21

Môis chu oei hơdai hăm lu sư, 'bă lu sư ăn hloi kon adruh sư oei kơ Môis. Anăn sư Sêpôra,

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Le 6:4

Inh kư̆m pơsĭt tơdrong pơgơ̆p hăm lu sư, wă ăn kơ lu sư dêh Kanaan, mă dêh lu sư wă oei tơ noh thoi lĕ lu bơngai tơmoi.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Je 50:5

Lu sư jet chă trong năm tơ pơlei Siôn, Lu sư tơwih anăp tơklă tơ pơlei noh: ‘Bĕ bơ̆n yak, truh tơ noh wă pơkă hăm Kră Yang. Hăm tơdrong pơgơ̆p ling-lang ưh kơ đei layơ hiơt.’ ”

Jo 10:28

'Nâu boih tơdrong lu sư asong băl năm hơtuch adrol kiơ̆ kơ khŭl lu sư tơdah lu sư wă yak năm.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Jang 7:5

'Bok Kei-Dei pơkă wă ăn kơ sư oei dêh char bơ̆n âu păng pơkă wă ăn kơ lu kon sư oei dêh char âu mơ̆n, mă-lei kơplah noh 'Bok Kei-Dei tam mă ăn kơ sư anih oei 'bơ̆t ayơ ôh. Hơtai ei Abraham kư̆m ưh kơ đei kon.

Both 30:5

Kră Yang 'Bok Kei-Dei iĕm gô chông ba iĕm brŏk tơ dêh 'bok, 'bă iĕm iŏk boih: Sư gô ăn kơ iĕm chek lar hrôh ngôh mơdrŏng hloh kơ 'bok iĕm.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Lu 1:16

Bơngai Kênit 'noh kon sâu tơnei 'bok Môis đơ̆ng pơlei 'Long gol năm tŏk hăm kon sâu Juđa, truh tơ anih glă char Juđa, tơ gah gơal Arat păng pơm anih oei tŏk-bŏk kon pơlei pơla.

Lu 4:11

Hêber bơngai Kênit sư weh boih đơ̆ng lu kon pơlei Kênit sư noh, kon sâu Hôbap 'nhŏng oh akăn Môis; sư năm pơm bơsŭn jê̆ tơ tơm 'long tih tơ Sananim, jê̆ Kêđes.

I Sam 15:6

Sôl kư̆m wơh bơngai năm tơbăt ăn kơ kon pơlei Kênit: Lu iĕm athei weh bĕ, tơklah lĕch bĕ đơ̆ng kon pơlei Amalek, wă kơ lu nhôn huay kơ pơlôch iĕm hơdai hăm lu sư, yua kơ lu iĕm pơm 'lơ̆ng kơ kon pơlei Isơrael kơplah lu sư 'nao lĕch hlôi đơ̆ng dêh Êyiptơ. Thoi noh, na kon pơlei Kênit tơklah lĕch đơ̆ng kon pơlei Amalek.