Jo 1:54 - Sơ̆p Hlabơar Nơ̆r 'Bok Kei-Dei

⁵⁴ Lu kon pơlei bơngai Isơrael pơm kiơ̆ thoi nơ̆r Kră Yang đei pơkă boih hăm Môis.

Jo 1:54 Iomraidhean Croise

Le 12:28

Kon pơlei Isơrael pơm kiơ̆ thoi nơ̆r Kră Yang tơtă boih kơ Môis păng Arôn.

Le 39:32

Thoi noh tơdrong pơm Bơsŭn Anih Akŭm keh đang boih. Kon pơlei Isơrael pơm kiơ̆ thoi dôm nơ̆r Kră Yang pơkă hăm Môis.

Le 39:43

Môis lăng lăng tôm tơdrong jang, 'bôh lu sư pơm kiơ̆ thoi nơ̆r Kră Yang khan pơkă boih, thoi noh na Môis bơnê sơkat ăn tơdrong pŭn hiôk kơ lu sư.

Le 40:16

Na Môis pơm kiơ̆ đĭ thoi dôm tơdrong Kră Yang đei tơtă ăn.

Le 40:32

Mưh layơ lu sư wă mơ̆t tơ lăm Bơsŭn Anih Akŭm păng năm jê̆ chơnang soi lei lu sư ôp hơrao jơ̆ng ti lu sư, kiơ̆ thoi nơ̆r Kră Yang đei pơkă kơ Môis.

Jo 1:19

Thoi noh Môis chih jô̆ tơmơ̆t lăm sơ̆p hla bơar tơ Thŭng glă Sinai, thoi Kră Yang Isơrael đei pơkă khan kơ sư.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 2:1

Kră Yang khan kơ Môis păng Arôn:

Jo 2:34

Adrĕch kon pơlei Isơrael pơm rok kiơ̆ kơ nơ̆r Kră Yang đei tơtă ăn boih kơ Môis, na lu sư pơm kơđông anih kiơ̆ kơ hla-kơ lu sư kơdih păng lu sư yak nơnăm kư̆m kiơ̆ kơ adrĕch 'bă lu sư kơdih.

Jo 36:10

Lu kon drŏ-kăn Sêlôpêhat pơm rok kiơ̆ thoi Kră Yang đei pơkă kơ Môis.

Jo 8:20

Thoi noh Môis, Arôn păng đĭ-đăng khŭl bơngai Isơrael akŭm hơdai pơm ăn kơ lu bơngai Lêwi kiơ̆ thoi Kră Yang đei pơkă khan kơ Môis; lu bơngai Isơrael pơm hăm lu bơngai Lêwi thoi noh.

Jo 9:22

Hơmơ̆l gom hnam akŭm 'bar năr, dah minh khei, dah đunh hloh, kon pơlei bơngai Isơrael kư̆ kơ oei, ưh kơ yak weh; mă-lei mưh khan hơmơ̆l đông weh, na lu sư yak năm.

Jo 9:5

Lu bơngai Isơrael pơm 'blŏk hơdơ̆r kơ năr giĕng Năm Brih lăm khei mônh, năr mơjĭt-puăn, gah kơsơ̆ măng, tơ char glă Sinai, pơm kiơ̆ dôm tơdrong thoi Kră Yang đei khan pơkă kơ Môis.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.