Jo 1:50 - Sơ̆p Hlabơar Nơ̆r 'Bok Kei-Dei

⁵⁰ Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 1:50 Iomraidhean Croise

II Ho 24:6

Pơtao krao Jêhôiada 'bok soi tơm păng khan: “Yua kơ kiơ ih ưh kơ pơkă kơ lu bơngai Lêwi chĕp ba jên lu bơngai Juđa păng lu bơngai oei lăm pơlei Jêrusalem ra ăn kiơ̆ kơ Môis đĭch đam Kră Yang 'Bok Kei-Dei mă đei pơkă boih hăm lu kon pơlei Isơrael athei pơyơ̆r ăn kơ Bơsŭn Roi Tơbăt?”

Ne 12:22

Lu yŏng kơdră adrĕch 'bă sư lu bơngai Lêwi, lăm chăl Êliasip, Jiađa, Jôhanan păng Jađua; lu 'bok soi hai, chih tơmơ̆t anăn lăm sơ̆p hla bơar truh lăm chăl Đarius pơgơ̆r; teh đak Phersia.

Ne 12:47

Lăm chăl Serubabel păng Nêhêmi, lu bơngai Isơrael athei asong ăn tơmam sa kơ lu bơngai hơri păng lu bơngai gak 'măng jang, kiơ̆ kơ lu sư yua rim năr; akŭm klah asong 'măn phe 'ba kơ lu bơngai Lêwi păng lu bơngai Lêwi klah asong ăn dơ̆ng phe 'ba kơ lu kon sâu 'bok Arôn.

Ne 12:8

Lu bơngai Lêwi: Jêsua, Binnui, Katmiêl, Serêbia, Juđa păng Matania, bơngai pơgơ̆r tơdrong hơri hơdai hăm lu 'nhŏng oh sư.

Ne 13:22

Inh athei bơngai Lêwi hơmet kơdih mă 'lơ̆ng rơgoh păng bơwei gak lu 'măng jang, wă 'măn 'năr Sa'bat jing năr 'lơ̆ng rơgoh, ơ! Kră Yang 'Bok Kei-Dei inh, apinh Ih 'blŏk kơ inh yua kơ tơdrong noh păng apinh Ih mơnat kơ inh kiơ̆ tơdrong 'mêm tih đơ̆ng Ih.

Ne 13:5

Păng hơmet boih kơ Tôbia, đei minh anih să, tơ anih đêl sư yua tah tơmam pơyơ̆r phe 'ba păng tơmam 'bâu phu, lu pơnhan kơchŏk, ra minh lăm mơjĭt gah lu 'ba mi, sik hơmu 'nao păng đak rơmă ôliwơ, wă khan tơmam đe ăn tơgŭm kơ lu bơngai Lêwi, lu bơngai hơri păng lu bơngai gak 'măng jang; hăm tơmam pơyơ̆r kơ 'bok soi.

Horiso 122:4

Tơ noh adrĕch kon pơlei tŏk năm. Lu adrĕch adrung Kră Yang tŏk kiơ̆ kơ nơ̆r tơtă kơ lu bơngai Isơrael, wă kơkuh bơnê kơ Anăn Kră Yang.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 38:21

'Nâu đe jô̆ tơmam yua lăm pơm Bơsŭn Anih Akŭm, anih mă tah 'bar hlak tơmo chih mơjĭt khôi juăt kiơ̆ thoi Môis pơkă kơ bơngai Lêwi bơwei, chih răk đĭ-đăng 'nâu đơ̆ng Ithamar kon drŏ-nglo 'bok soi tơm Arôn pơgơ̆r.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 10:21

Đơ̆ng noh khŭl Kôhat yak năm, tung ba tơmam rơgoh; lu đe tơiung pơdơ̆ng Bơsŭn Anih Akŭm păng khăn noh boih adrol kơ lu sư truh.

Jo 17:7

Môis tah lu 'long jra noh 'bơ̆t anăp Kră Yang tơ lăm Bơsŭn Roi Tơbăt.

Jo 18:5

lu iĕm athei wei-lăng tôm tơdrong lăm bơsŭn 'lơ̆ng rơgoh păng chơnang soi, wă kơ huay pă đei tơdrong Kră Yang hil kơ bơngai Isơrael.

Jo 2:17

Đơ̆ng rŏng kơ noh Bơsŭn Anih Akŭm pôk năm hơdai lu adrĕch Lêwi, oei tŏk-bŏk anih lu khŭl bơngai nai; kơđông khŭl Lêwi gô yak kiơ̆ thoi đei asong boih, rim 'nu kiơ̆ kơ khŭl păng kiơ̆ kơ hla-kơ kơdih.

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 4:3

Iŏk đơ̆ng pêng-jĭt sơnăm tơ kơpal truh tơ pơđăm-jĭt sơnăm, wă khan đĭ-đăng bơngai bu mă gơh jang tơgŭm lăm Bơsŭn Anih Akŭm.

Jo 8:19

Đơ̆ng lăm lu adrĕch bơngai Isơrael Inh rơih iŏk boih bơngai Lêwi pơjao ăn kơ Arôn păng lu kon drŏ-nglo sư, wă kơ bơ̆jang tơplih tơdrong jang Isơrael lăm Bơsŭn Anih Akŭm, kư̆m pơm soi sơmah wă huai tơdrong yoch ăn kơ lu adrĕch bơngai Isơrael, wă kơ lu sư mă năm jê̆ anih 'lơ̆ng rơgoh, huay kơ đei tơdrong kiơ truh.

Jo 8:20

Thoi noh Môis, Arôn păng đĭ-đăng khŭl bơngai Isơrael akŭm hơdai pơm ăn kơ lu bơngai Lêwi kiơ̆ thoi Kră Yang đei pơkă khan kơ Môis; lu bơngai Isơrael pơm hăm lu bơngai Lêwi thoi noh.

Jo 8:22

Đơ̆ng rŏng kơ noh, lu bơngai Lêwi mơ̆t jang lăm Bơsŭn Anih Akŭm tơgŭm Arôn păng tơgŭm lu kon drŏ-nglo sư; pơm kơ lu bơngai Lêwi, kiơ̆ trŏ thoi nơ̆r Kră Yang đei pơma pơkă kơ Môis gah lu sư.

Tơdrông Tơ'bôh 15:5

Đơ̆ng noh inh lăng dơ̆ng tơ kơpal plĕnh na 'bôh hnam 'Bok Kei-Dei oei thoi hnam akŭm lu bơngai Isơrael pơm păng tua-la-tăng tơ dêh char glă sơ̆, hnam ei 'măng tơpơih.