Jêphania 3:5 - Sơ̆p Hlabơar Nơ̆r 'Bok Kei-Dei

⁵ Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Jêphania 3:5 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Jop 34:10

Mơ̆ng bĕ inh lu iĕm bơngai hlôh wao. Kră Yang 'Bok Kei-Dei ưh kơ đei layơ pơm kơnê̆, Kră Yang Tih Hloh ưh đei layơ đŏng đĕo.

Jop 7:18

păng lăng hơlen rim pơgê, pơlong lăng sư ling-lang?

Jop 8:3

Kră Yang 'Bok Kei-Dei hăm lah pơm pơđŏng lê̆ tơdrong tơpăt? Dah Tơ'ngla Mơsêh Mơyang Tih Hloh pơm pơglăi lê̆ tơdrong tơpăt?

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 37:6

Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Horiso 92:15

Wă tơ'bôh kơ Kră Yang tơpăt; Sư jơ̆ tơmo pĕng inh lăm Sư ưh kơ đei đŏng đĕo.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Êsai 33:2

Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Nhom 3:23

Rim pơgê jing 'nao plơ̆ng, tơdrong pơmat Sư tih tơpă.

Êsêkiên 18:25

Mă-lei lu iĕm khan: ‘Trong Kră Yang pơm ưh kơ tơpăt!’ Ơ lu adrĕch Isơrael, mơ̆ng bĕ! Trong Inh ưh kơ tơpăt dah trong lu iĕm ưh kơ tơpăt?

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Hôsia 6:5

Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Habakuk 1:3

Kơlih kơ kiơ Ih ăn kơ inh 'bôh tơdrong đe pơm kơnê̆ păng yua kơ kiơ Ih kuăr ti lăng đĕch tơdrong ưh kơ trŏ noh? Tơdrong pơrăm 'bơ̆t anăp inh; đei tơdrong pơjah pơjăng băl.

Jêphania 2:1

Ơ kon pơlei mă ưh kơ băt mơlâu! Akŭm băl bĕ, tơpă, athei akŭm băl bĕ!

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Luka 12:2

Mă-lei dôm tơdrong lu sư wă ôn hrĕp dang ei, đe gô 'bôh ning-mônh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Both 23:14

Yua kơ Kră Yang 'Bok Kei-Dei iĕm năm lăng kơđông linh iĕm wă dŏng pơklaih lu iĕm đơ̆ng lu bơngai ayăt iĕm, kơđông iĕm athei rơgoh 'lơ̆ng, wă kơ Sư huay kơ 'bôh tơdrong kơnê̆ 'mê̆-'mach, na mah weh achăng lê̆ lu iĕm.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.