Jêphania 3:3 - Sơ̆p Hlabơar Nơ̆r 'Bok Kei-Dei

³ Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Jêphania 3:3 Iomraidhean Croise

Tơdrông Pơđơk 28:15

Bơngai kơnê̆ pơgơ̆r kon pơlei dơnuh hin; Nhen thoi dăm-brang grĕnh gơhuh nhen thoi chơgơu druh sem bri wă rôp sa.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Êsai 5:29

Lu sư ôr jơwa thoi dăm-brang akăn, gơhuh nhen dăm-brang mơlôh, lu sư grĕnh chă rôp sa sem bri păng hor ba, ưh kơ đei bu kĕ dŏng pơklaih ôh.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Je 34:19

Lu kră pơgơ̆r bơngai Juđa păng Jêrusalem lu bơngai jang lăm hnam pơtao, 'bok soi păng lu kon pơlei năm yak rok sơlam lu 'nhĕm rơmo blah noh.

Je 5:6

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Êsêkiên 22:6

To, lu yŏng Pơgơ̆r Isơrael oei lăm ih, rim 'nu yua tơdrong pran kơtang kơdih pơm tuh pham pơlôch đe.

Êsêkiên 33:26

Lu iĕm gơnang kơ đao hơlă iĕm, pơm tơdrong kơnê̆ krưp, rim 'nu lu iĕm pơm kơnê̆ 'mê̆-'mach hăm akăn lu rông 'bôt kơdih; na lu iĕm gô iŏk asong băl char âu hă?

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.