Jêphania 3:20 - Sơ̆p Hlabơar Nơ̆r 'Bok Kei-Dei

²⁰ Kơplah noh, Inh gô anhăk iĕm brŏk, kơplah lăm năr noh Inh akŭm pơpôi iĕm hơdai, yua kơ Inh gô ăn kơ iĕm đei đe pơư pơang păng đei đe pơyom bơnê tơ lăm rim adrĕch adrung kon bơngai kơpal teh âu, kơplah Inh tơbrŏk lu bơnă 'bơ̆t anăp lu iĕm,” Kră Yang đei khan thoi noh.

Jêphania 3:20 Iomraidhean Croise

Horiso 35:6

Ăn kơ trong lu sư măng mu păng rơbơ̆r tơsĕr. Apinh Linh jang Kră Yang puh tơweh lu sư!

Êsai 56:5

Inh gô ăn kơ lu sư hơdai tơ lăm hnam Inh wă khan lăm dur Inh. Minh anih 'blŏk hơdơ̆r păng minh anăn gĭt hloh kơ kon drŏ-nglo, kon drŏ-kăn; Inh gô ăn dơ̆ng kơ lu sư minh anăn mă oei oei ling-lang ưh kơ đei layơ tôch.

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Êsai 60:15

Sơ̆ đe hiơt đe areh kơ ih, păng ưh kơ đei bu năm rok lăm ih. 'Nâu Inh gô pơm ăn kơ ih jing rŏ ling-lang, jing tơdrong chơt hiôk kơ lơ bơngai ling-lang hlŏng hloi.

Êsai 61:9

Adrĕch adrung lu sư đe gô ư-hơ-nhang ang-hơ-nhăk lăm rim kơ teh đak. Anăn kon sâu lu sư đe gô ang lăm lu kon pơlei, bơngai bu 'bôh gô băt kơ lu sư jơ̆ minh adrĕch adrung đơ̆ng Kră Yang tuh ăn tơdrong pŭn hiôk.

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Êsai 62:7

Kŭm 'nĕ ăn kơ Kră Yang pơdơh dĭng truh tơ Sư pơjing tơiung dơ̆ng pơlei Jêrusalem, păng pơm kơ sư đei đe ư-ang jơ̆p kơ teh đak.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 30:3

Kră Yang khan: “Gô đei năr, Inh gô chông ba kon pơlei Inh bơngai Juđa păng Isơrael wih brŏk đơ̆ng pơm bơnă. Kră Yang khan: “Inh gô ba lu sư brŏk iŏk teh đak mă Inh đei ăn boih kơ lu yă 'bok lu sư.”

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Êsêkiên 16:53

Inh gô ba brŏk Sôđôm hăm lu kon drŏ-kăn sư, păng Samari hăm lu kon drŏ-kăn sư ăn rơngei dơ̆ng păng ih hăm lu sư wih brŏk ăn rơngei.

Êsêkiên 28:25

Kră Yang khan thoi âu: “Kơplah Inh akŭm lu adrĕch Isơrael brŏk đơ̆ng lu kon pơlei mă lu sư oei tơklah tơklang, Inh gô tơ'bôh tơdrong 'lơ̆ng rơgoh Inh tơ lăm lu sư 'bơ̆t anăp lu teh đak. Na lu sư gô oei tơ lăm teh đak mă Inh ăn boih kơ đĭch đam Inh Jakôp.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Êsêkiên 37:12

Na, khan lê̆ adrol bĕ, khan kơ lu sư: ‘Kră Yang khan thoi âu: Ơ kon pơlei Inh, Inh gô pơih bơsat lu iĕm, wă hơtŏk lu iĕm đơ̆ng lăm bơsat păng Inh anhăk ba lu iĕm brŏk tơ teh đak Isơrael.

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Êsêkiên 39:13

Đĭ-đăng kon pơlei oei lăm char noh gô 'bŭ lu sư, na lăm minh năr ning-mônh Inh pơang lăm kon pơlei noh, năr mă Inh gô pơdah tơdrong ư-ang Inh Kră Yang khan.

Êsêkiên 39:28

Lu sư gô băt Inh boih Kră Yang 'Bok Kei-Dei lu sư, mă khan Inh ăn lu sư jing bơnă kơ lu dêh char, mă-lei iŏk wih lu sư tơ char lu sư kơdih, ưh kơ đei lê̆ minh 'nu bơngai bu oei tơ noh.

Jôel 3:1

'Nâu, lăm chăl noh, lăp năr noh 'bơ̆t năr Inh gô ăn dơ̆ng tơdrong pŭn hiôk kơ lu bơngai Juđa păng pơlei Jêrusalem,

Am 9:14

Inh gô chông lu bơngai Isơrael brŏk đơ̆ng pơm bơnă, lu sư gô pơjing pơdơ̆ng dơ̆ng lu pơlei tih mă đêl đe pơrăm păng oei hloi tơ noh. Lu sư gô choh pơtăm mir hơmu păng huch đak sư, gô choh pơtăm war mir pơgar hla 'nhot, plei 'long păng gô sa plei sư.

Mi 2:12

Ơ Jakôp sĭt Inh gô akŭm pơpôi lu iĕm, tơpă Inh gô akŭm lu bơngai Isơrael mă oei oei, akŭm pơpôi lu sư hơdai hơbĭ hăm triu Bôira minh pôm hơdrong, thoi lu triu lơ lăm tơmăn 'nhĕt lu sư, gô đei nơ̆r hmoi lơ ô-ôs ơ-as thoi đei bơngai lơ.

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Jêphania 2:7

Tơring ei gô jing tơring kơ lu adrĕch adrung Juđa mă oei oei; lu sư gô năm wei triu tơ noh, kơmăng lu sư gô tep pơdơh tơ lăm lu hnam pơlei Askalon; Yua kơ Kră Yang gô năm ngôi hơpong tơ lu sư păng chông tơbrŏk lu bơnă sư.

Jêphania 3:19

Âu, lăm kơplah noh, Inh pơlôch lu bơngai mă pơm kơ ih ơh sơ'ngon; Inh gô dŏng pơklaih lu bơngai hơwen hơwo jo jăn, pơpôi lu bơngai mă đe pơpuh tơweh đe teh pơmat, pơm ăn kơ lu iĕm jing đe bơnê păng pơư pơang; wă khan lu bơngai mă đe pơjăm pơjuă lăm teh đak âu.

Sa 8:13

Ơ hnam Juđa păng hnam Isơrael! Gô đei tơdrong thoi đe hiap iĕm lăm teh đak thoi yơ, na Inh gô dŏng pơklaih lu iĕm păng lu iĕm gô đei tơdrong pŭn hiôk thoi noh. Lu iĕm 'nĕ kơ hli mă-lei ti iĕm athei pran kơtang.”

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Malachi 3:12

Jơ̆p kơ teh đak đe gô ư-ang kơ lu iĕm đei pŭn hiôk, yua kơ đơ̆ng iĕm na teh gô chơt hiôk.” Kră Yang Tih Hloh khan thoi noh.

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.