Jêphania 3:2 - Sơ̆p Hlabơar Nơ̆r 'Bok Kei-Dei

² Sư ưh kơ 'maih mơ̆ng đe ôh; ưh kơ wă chu kơ đe teh bơtho; ưh kơ wă gơnang kơ Kră Yang; ưh kơ năm jê̆ Kră Yang 'Bok Kei-Dei.

Jêphania 3:2 Iomraidhean Croise

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Horiso 50:17

Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Horiso 73:28

Gah inh 'lơ̆ng dêh, oei jê̆ Kră Yang 'Bok Kei-Dei. Inh gơnang kơ Kră Yang jing anih inh kơ'nơp wă kơ inh ră roi dôm tơdrong jang Ih.

Horiso 78:22

Yua kơ lu sư ưh kơ wă lui kơ Kră Yang 'Bok Kei-Dei; Kŭm ưh kơ wă gơnang kơ tơdrong dŏng pơklaih đơ̆ng Sư.

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 5:12

Ih khan, Inh areh dêh kơ tơdrong bơtho hơmet. Păng jơhngơ̆m inh sơngah kơ tơdrong chrih.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 43:22

Mă-lei, ơ Jakôp, iĕm ưh kơ krao apinh Inh! Ơ Isơrael iĕm đĭ bơ̆l kơ Inh bơih!

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Je 13:25

'Nâu boih tơdrong Inh 'măn lê̆ kơ iĕm, đei klah asong hơgăt lê̆ pha ăn kơ ih.” Noh Kră Yang khan: Yua kơ iĕm hiơt kơ Inh boih; na gơnang kơ rup yang hơlĕnh pơdăr.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 22:21

Inh đei bơtho khan boih kơ ih kơplah ih hiôk jơnap, mă-lei ih khan Inh ưh kơ wă mơ̆ng ôh. 'Nâu tơdrong ih đei pơm boih đơ̆ng ih oei 'lơ̆p sơ̆, ih oei ưh kơ wă mơ̆ng nơ̆r Inh.

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Je 35:13

'Nâu Kră Yang Tih Hloh 'Bok Kei-Dei bơngai Isơrael khan: “Năm khan bĕ kơ bơngai Juđa păng kon pơlei Jêrusalem: Kră Yang khan: ‘Lu iĕm ưh kơ wă chu iŏk tơdrong Inh bơtho păng kư̆m kuă kơ mơ̆ng nơ̆r Inh mơ̆n hă?

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Êsêkiên 22:24

Ơ kon bơngai, khan bĕ kơ teh đak. ‘E jing teh đak ưh kơ goh, ưh kơ đei 'mi tih lăm năr Inh hil’.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

II Tim 3:16

Đĭ-đăng dôm sơ̆p hla bơar 'Bok Kei-Dei đơ̆ng 'Bok Kei-Dei tơgŭm kon bơngai chih, na bơ̆n gơh yua sơ̆p hla bơar 'Bok Kei-Dei bơtho tơdrong Sư, khă đe 'nĕ pă pơm tơdrong yoch păng hơmet ming jơhngơ̆m đe, tơbăt kơ đe thoi yơ bơ̆n gơh pơm 'lơ̆ng tơpăt.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.