Jêphania 3:19 - Sơ̆p Hlabơar Nơ̆r 'Bok Kei-Dei

¹⁹ Âu, lăm kơplah noh, Inh pơlôch lu bơngai mă pơm kơ ih ơh sơ'ngon; Inh gô dŏng pơklaih lu bơngai hơwen hơwo jo jăn, pơpôi lu bơngai mă đe pơpuh tơweh đe teh pơmat, pơm ăn kơ lu iĕm jing đe bơnê păng pơư pơang; wă khan lu bơngai mă đe pơjăm pơjuă lăm teh đak âu.

Jêphania 3:19 Iomraidhean Croise

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.

Êsai 62:7

Kŭm 'nĕ ăn kơ Kră Yang pơdơh dĭng truh tơ Sư pơjing tơiung dơ̆ng pơlei Jêrusalem, păng pơm kơ sư đei đe ư-ang jơ̆p kơ teh đak.

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Je 31:8

'Nâu, Inh gô chông lu sư brŏk đơ̆ng char gah yă-nơ̆m, Inh akŭm pơpôi lu sư đơ̆ng tôch kơ teh đak. Lăm lu sư đei bơngai măt tol, bơngai hơwen, lu drŏ-kăn oei anăp păng drŏ-kăn wă tơpŭ, minh khŭl tơpôl lơlap tơpă gô wih brŏk tơ âu.

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Êsêkiên 16:27

'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Êsêkiên 16:57

adrol kơ tơdrong kơnê̆ ih đe 'bôh bơih. Dang ei đei nơ̆r đe chrih kơ ih đơ̆ng lăm lu kon drŏ-kăn Êđôm hăm đĭ-đăng tơring sư, lu kon drŏ-kăn Philistin jum dăr ih, lu sư pơjăm ih tôm tơdrong.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Êsêkiên 39:13

Đĭ-đăng kon pơlei oei lăm char noh gô 'bŭ lu sư, na lăm minh năr ning-mônh Inh pơang lăm kon pơlei noh, năr mă Inh gô pơdah tơdrong ư-ang Inh Kră Yang khan.

Êsêkiên 39:26

Lu sư gô đei tơdrong mơlâu yua kơ đei pơm yoch hăm Inh, kơplah lu sư oei hiôk-hian lăm char noh ưh kơ đei bu tơhli lu sư.

Mi 7:10

Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.