Jêphania 3:16 - Sơ̆p Hlabơar Nơ̆r 'Bok Kei-Dei

¹⁶ Lăm năr noh, đe gô khan kơ pơlei Jêrusalem thoi âu: “Ơ Siôn 'nĕ pă hli, ti ih 'nĕ pă rơdu!

Jêphania 3:16 Iomraidhean Croise

Jop 4:3

Ki sơ̆, ih đei bơtho pơlung lơ bơngai, Ih đei tơgŭm bơih ti rơdu jing pran.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 40:9

Ơ Siôn lu iĕm bơngai mă ră roi tơdrong 'nao 'lơ̆ng, tŏk bĕ tơ kơpal kông kơjung! Ơ Jêrusalem lu iĕm bơngai mă tơbăt tơdrong 'nao 'lơ̆ng ôr mă re đĭ jơhngơ̆m bĕ! Ôr mă re! 'Nĕ kơ hli! Khan bĕ kơ lu pơlei tih Juđa: “'Nâu Kră Yang 'Bok Kei-Dei lu iĕm!”

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Êsai 54:4

'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Jôel 2:21

Ơ teh đak, 'nĕ kơ hli ôh, chơt hiôk 'nă hal bĕ, yua kơ Kră Yang đei pơm boih tơdrong mơsêh tih.

Sa 8:13

Ơ hnam Juđa păng hnam Isơrael! Gô đei tơdrong thoi đe hiap iĕm lăm teh đak thoi yơ, na Inh gô dŏng pơklaih lu iĕm păng lu iĕm gô đei tơdrong pŭn hiôk thoi noh. Lu iĕm 'nĕ kơ hli mă-lei ti iĕm athei pran kơtang.”

Sa 8:15

“na năr 'nâu kư̆m lei-lăi, Inh pơkă wă pơm 'lơ̆ng kơ pơlei Jêrusalem păng hnam Juđa: Lu iĕm 'nĕ kơ hli!

Yo 12:12

Năr dơning dơ̆ng, lu bơngai tơpôl lơ mă đêl năm hơpong Năr Giĕng Năm Brih, lu sư kơtơ̆ng ang Yêsu wă năm tơ Pơlei Jêrusalem.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.