Jêphania 3:15 - Sơ̆p Hlabơar Nơ̆r 'Bok Kei-Dei

¹⁵ Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Jêphania 3:15 Iomraidhean Croise

Bl 30:23

Sư anăp, tơpŭ kơ minh 'nu kon drŏ-nglo păng khan: Kră Yang 'Bok Kei-Dei ôp lê̆ boih tơdrong mơlâu đơ̆ng inh;

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 19:9

Hli yom kơ Kră Yang jơ̆ 'lơ̆ng rơgoh, oei oei truh tơ ning-mônh, Dôm tơdrong Kră Yang pơkă jơ̆ sĭt tơpă, đĭ-đăng trŏ ngăl.

Horiso 85:3

Ih lê̆ boih tơdrong hil mĭl, iŏk lê̆ boih tơdrong Ih blĕk tơtŏ.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 65:19

Inh gô hiôk chơt yua kơ Jêrusalem, Inh gô 'nă hal kơ kon pơlei Inh; Tơ anih noh ưh pă đei kơtơ̆ng nơ̆r nhơ̆m ôr pơret dơ̆ng bơih.

Je 8:19

Ei, mơ̆ng bĕ, lu kon pơlei Inh nhơ̆m hmoi đơ̆ng char ataih, “Kră Yang ưh pă oei lăm Siôn boih hă? Pơtao ưh pă oei lăm noh boih hă?” “Liơ lu sư pơ̆n tơblĕk Inh yua rup yang man, hăm rup yang traih ưh kơ yua đơ̆ng dêh tơmoi?”

Êsêkiên 35:10

Yua kơ ih khan: 'Bar adrĕch adrung 'nâu păng 'bar tŏ dêh char 'nâu gah nhôn, lu nhôn gô iŏk, mă khan Kră Yang oei tơ noh.’

Êsêkiên 36:15

Inh ưh pă ăn ih kơtơ̆ng lu nơ̆r kơnê̆ đe pơjăm pơjuă đơ̆ng lu dêh char; ih kư̆m huay pă pŭ tơdrong mơlâu dơ̆ng lu kon pơlei dơ̆ng păng ih kư̆m ưh pă ăn kơ dêh char ih, ih pơ̆k huŏng dơ̆ng, Kră Yang khan.”

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Am 9:15

Inh gô pơtăm lu sư tơ teh đak lu sư kơdih păng ưh pă đei bu buch lu sư dơ̆ng đơ̆ng teh mă inh đei ăn boih kơ lu sư Kră Yang 'Bok Kei-Dei ih khan thoi noh.

Mi 7:10

Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.

Habakuk 2:17

Tơdrong ih pơm kơnê̆ tơ tơring Liban gô blơ̆ klơ̆p ih păng tơdrong ih pơlôch lu sem brem pơm ăn kơ ih hli tơrơ, yua kơ đơ̆ng pham đe ih yua pơlôch, yua kơ tơdrong kơnê̆ ih pơrăm teh, pơrăm lu pơlei tih păng đĭ-đăng kon pơlei pơla lu sư.

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Sa 12:3

Kŭm gô đei tơdrong truh hloi lăm năr noh Inh gô pơm ăn kơ Jêrusalem thoi tơmo, trăp kơ rim adrĕch adrung kon bơngai. Na dôm lu bơngai mă tung sư đei tơdrong jĭ dêh; păng đĭ dôm lu dêh char kơpal teh âu gô blah sư.”

Sa 14:11

Lu đe gô oei tơ noh, đe ưh pă hiap sư dơ̆ng, mă-lei Jêrusalem gô oei hiôk-hian.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 12:15

“Ơ kon pơlei pơla Jêrusalem, iĕm 'nĕ kơ hli, yua kơ Pơtao iĕm wă mơ̆t tơ pơlei iĕm, Sư hao minh pôm aseh iĕ dăm.”

Yo 19:19

Pilat chih minh hlak gơ'bang athei đe pơ̆ng 'bơ̆t 'long pơglang. Gơ'bang 'noh chih thoi âu: “Yêsu, Pơlei Nasaret, Pơtao đe Juđê.”

Yo 5:30

“Inh ưh kơ pơm kiơ̆ thoi Inh wă ôh. Inh kơtơ̆ng 'Bă Inh pơma kơ Inh thoi yơ, Inh sek tơlang kiơ̆ thoi Sư pơma 'noh mơ̆n. Tơdrong Inh sek tơlang Inh sek tơlang mă tơpăt kiơ̆ thoi Sư, kơlih kơ Inh ưh kơ wă kiơ̆ thoi Inh kơdih, Inh athei pơm trŏ thoi 'Bă Inh mă wơh Inh wă.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

Tơdrông Tơ'bôh 7:15

Thoi noh na dang ei lu sư oei 'bơ̆t anăp tang-dŏ 'Bok Kei-Dei, kơkuh kơ 'Bok Kei-Dei ling-lang măng năr tơ noh. Pơtao bơ̆n 'Bok Kei-Dei kư̆m oei hơdai lu sư. Lu sư huay pă đei tơdrong truh dơ̆ng boih.