Jêphania 3:14 - Sơ̆p Hlabơar Nơ̆r 'Bok Kei-Dei

¹⁴ Ơ kon drŏ-kăn Siôn, hơri bĕ! Ơ adrĕch adrung Isơrael, iŏk chơt hiôk bĕ! Ơ kon adruh Jêrusalem, 'nă hal bĕ.

Jêphania 3:14 Iomraidhean Croise

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Horiso 14:7

Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 97:8

Ơ Kră Yang, Siôn kơtơ̆ng na chơt hiôk, Păng lu pơlei Juđa đei jơhngơ̆m 'nă hal, Yua kơ tơdrong Ih sek tơlang

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 29:19

Lu bơngai răm-'băm gô thim tơdrong chơt hiôk lăm Kră Yang, lu bơngai dơnuh hin gô 'nă hal lăm Tơ'ngla 'lơ̆ng rơgoh đe Isơrael.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 37:22

'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Êsai 40:1

Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

Êsai 40:9

Ơ Siôn lu iĕm bơngai mă ră roi tơdrong 'nao 'lơ̆ng, tŏk bĕ tơ kơpal kông kơjung! Ơ Jêrusalem lu iĕm bơngai mă tơbăt tơdrong 'nao 'lơ̆ng ôr mă re đĭ jơhngơ̆m bĕ! Ôr mă re! 'Nĕ kơ hli! Khan bĕ kơ lu pơlei tih Juđa: “'Nâu Kră Yang 'Bok Kei-Dei lu iĕm!”

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 54:1

Ơ bơngai drŏ-kăn hơwŏng, bơngai ưh kơ đei hơiơch hơri bĕ. Ơ bơngai tam mă jĭ rơneh, hơri jreo hiôk chơt bĕ, yua kơ kon hơ'lơ̆p bơngai drŏ-kăn tŭk gô đei lơ hloh kơ kon hơ'lơ̆p bơngai drŏ-kăn mă đei klo, Kră Yang khan thoi 'noh.

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Mi 4:8

Gah ih ơ hnam Thôt wei triu, ơ kông groi Ôphel, ơ kon drŏ-kăn Siôn, tơdrong pơgơ̆r lu iĕm so sơ̆ wă khan teh đak drŏ-kăn Jêrusalem, gô truh tơ ih.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”