Jêphania 3:13 - Sơ̆p Hlabơar Nơ̆r 'Bok Kei-Dei

¹³ Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Jêphania 3:13 Iomraidhean Croise

II Ho 20:30

Thoi noh, dêh char pơtao Jêhôsaphat hiôk-hian rơnŭk rơnua, yua kơ Kră Yang 'Bok Kei-Dei ăn kơ sư pơdơh hiôk-hian puăn pah.

Jop 11:19

Ih gô 'bĭch tep ưh kơ đei bu pơm kơ ih hli tơrơ, lơ bơngai gô chă ih wă kơ ih tơgŭm lu sư đei pŭn hiôk.

Horiso 119:3

Lu sư ưh kơ pơm glăi, Mă-lei arih kiơ̆ trong Kră Yang

Horiso 120:2

Ơ Kră Yang, apinh pơklaih bơhngol inh đơ̆ng 'bơ̆r hơlĕnh, Đơ̆ng hơpiĕt lu bơngai pơhlŭ.

Horiso 120:3

Ơ hơpiĕt hơlĕnh pơhlŭ, Kră Yang wă pơm kiơ kơ ih? Thim ăn kơ ih tơdrong phak kiơ dơ̆ng?

Horiso 23:2

Sư ăn kơ inh pơdơh tơ 'nhĕt hơdrih, ba inh tơ đak hlăng.

Êsai 17:2

Lu pơlei Arôe đĭ jing juơ rơhiăng jing anih ăn kơ lu triu drum pơdơh, ưh pă đei hli kơ kiơ dơ̆ng.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 63:8

Kră Yang đei khan: “Tơpă lu sư jơ̆ kon pơlei Inh lu kon mă ưh kơ đei pơma hơlĕnh ôh.” Păng Kră Yang boih Tơ'ngla dŏng pơklaih lu sư.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Êsêkiên 39:26

Lu sư gô đei tơdrong mơlâu yua kơ đei pơm yoch hăm Inh, kơplah lu sư oei hiôk-hian lăm char noh ưh kơ đei bu tơhli lu sư.

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Jôel 3:21

Inh gô iung kơting pham lu sư mă Inh ưh tam mă iung kơting; yua kơ Kră Yang oei lăm kông Siôn.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Jêphania 2:7

Tơring ei gô jing tơring kơ lu adrĕch adrung Juđa mă oei oei; lu sư gô năm wei triu tơ noh, kơmăng lu sư gô tep pơdơh tơ lăm lu hnam pơlei Askalon; Yua kơ Kră Yang gô năm ngôi hơpong tơ lu sư păng chông tơbrŏk lu bơnă sư.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Sa 8:12

“Yua kơ tơ noh gô đei găr adrĕch hiôk-hian; tơm hơmu gô đei plei păng teh gô jing mơ̆r chăt lu tơmam sa, đơ̆ng plĕnh gô đei tŭk jur, Inh gô pơm kơ lu kon pơlei mă oei oei âu gơh yua dôm tơdrong noh.

Sa 8:16

'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Kôlôsê 3:9

'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

Tơdrông Tơ'bôh 14:5

'Bok Kei-Dei 'bôh lu sư ling-lang pơma 'lơ̆ng ưh kơ đei pơma hơlĕnh hơya tŏ sĕt, yua kơ lu sư jing bơngai rơgoh 'lơ̆ng boih.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”