Jêphania 2:8 - Sơ̆p Hlabơar Nơ̆r 'Bok Kei-Dei

⁸ “Inh đei kơtơ̆ng boih nơ̆r Môap blei hiap. Nơ̆r kon sâu Ammôn pơma kơnê̆; lu sư pơma blei hiap kon pơlei pơla Inh păng pơma pơang khan wă blah iŏk teh đak lu sư.”

Jêphania 2:8 Iomraidhean Croise

Bl 19:37

Mŏ sư tơpŭ kon drŏ-nglo, krao anăn Môap; noh boih jing 'bok kơ kon pơlei adrĕch Môap mă dĭng truh dang ei.

Bl 19:38

Oh sư kư̆m đei kon drŏ-nglo, anăn sư Bên Ami; noh jing 'bok kơ kon pơlei Ammôn dĭng truh dang ei.

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!

Êsai 16:6

Lu bơ̆n đei kơtơ̆ng bơih gah tơdrong lu bơngai Môap pơang, sư pơrŏ pơang dêh, pơma pôk kơdih mă-lei, tơdrong pơang sư jing tơdrong kơ đei.

Je 12:14

'Nâu Kră Yang khan: “Gah đĭ-đăng lu rông 'bôt Inh mă pơm kơnê̆, mơ̆t iŏk boih tơmam Inh mă ăn kơ lu kon pơlei Inh, Isơrael; 'nâu, Inh gô buch hiŏng lê̆ lu sư đơ̆ng lăm char lu sư păng buch hiŏng lê̆ adrĕch Juđa đơ̆ng tŏk-bŏk lu sư.

Je 48:1

Gah dêh char Môap. 'Nâu Kră Yang Tih Hloh, 'Bok Kei-Dei Isơrael, khan: “Mơnat tơpă kơ pơlei Nêbô, đe gô pơrăm sư! Pơlei Kiriathaim mơlâu tơpă đe gô rôp blah iŏk. Pơlei kơjăp gô mơlâu dêh pơchah răm đĭ.

Je 49:1

Gah dêh char Ammôn! Kră Yang khan: “Bơngai Isơrael ưh kơ đei kon drŏ-nglo hă? Ưh pă đei kon wă pơtrơp ioi hă? Liơ mă lê̆ kơ bơngai Amnôn mă kơkuh kơ yang Molek tơgar iŏk char Gat, kon pơlei sư oei lăm lu pơlei Gat?

Nhom 3:61

Ơ Kră Yang, Ih kơtơ̆ng boih lu sư pơm kơnê̆, chă đon lơ tơdrong wă pơm kơ inh.

Êsêkiên 21:28

Gah ih, ơ kon bơngai, khan lê̆ adrol bĕ: Kră Yang khan thoi âu kơ adrĕch adrung Ammôn gah tơdrong lu sư che bơle kơ kon pơlei Isơrael. Athei khan kơ lu sư: Pla đao đe toh boih wă pơlôch. Đe pơiel rang thoi kơmlat.

Êsêkiên 25:1

Đei nơ̆r Kră Yang khan kơ inh:

Êsêkiên 35:12

Ih gô băt Inh boih Kră Yang kơtơ̆ng nơ̆r ih pơma pơjăm pơjuă hăm lu kông Isơrael khan: “Lu sư răm đĭ boih, lu sư gô jing tơmam sa lu bơ̆n.”

Êsêkiên 36:2

Kră Yang khan thoi âu: Yua kơ lu ayăt khan gah ih. “Aha! Lu kông kơjung noh sơ̆ gah lu nhôn boih.”

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Am 2:1

Kră Yang khan: Yua kơ đơ̆ng kon pơlei Môap pơm yoch rai hloh kơ adrol, thoi ei na inh ưh kơ lê̆ ôh wă phak lu sư; yua kơ sư đei soh boih kơting pơtao char Eđôm wă pơm chŭr.

Jêphania 2:10

Tơdrong noh truh tơ lu sư yua kơ lu sư pơang, pơrŏ pơhuơ̆, pơư kơdih khan tơblah hăm kon pơlei Kră Yang Tih Hloh,

Jôsuê 5:9

Kơplah noh Kră Yang khan kơ Jôsuê: Năr âu Inh hŭt lê̆ boih tơdrong mơlâu lu iĕm đơ̆ng lu bơngai dêh Êyiptơ, lei na đe krao anăn anih âu Gilgal, mă truh dang ei.