Jêphania 2:6 - Sơ̆p Hlabơar Nơ̆r 'Bok Kei-Dei

⁶ To gah dơsĭ gô jing bri, tơmăn 'nhĕt, tơ noh gô đei bơsŭn lu bơngai wei triu păng hơdrong lu triu.

Jêphania 2:6 Iomraidhean Croise

Êsai 17:2

Lu pơlei Arôe đĭ jing juơ rơhiăng jing anih ăn kơ lu triu drum pơdơh, ưh pă đei hli kơ kiơ dơ̆ng.

Êsai 5:17

Kơplah noh lu triu kon gô sa 'nhĕt, nhen thoi tơ tơmăn 'nhĕt sư kơdih, gah triu gô đei sa đêl đơ̆ng chŭn lu bơngai mơdrŏng lê̆ bri.

Êsai 7:25

Kŭm ưh kơ đei bơngai bu năm tơ đêl anih sư choh jang noh dơ̆ng yua kơ hli kơ lu 'long jơla 'nhĕt jơla hro 'bĕnh-'bang, mă-lei gô ăn kơ rơmo sa păng triu pơjuă anih noh.

Je 33:12

Kră Yang Tih Hloh khan: “Lăm anih juơ 'nâu, ưh kơ đei kon bơngai oei păng kư̆m ưh kơ đei sem bri păng tơ rim pơlei, gô đei tơmăn 'nhĕt ăn kơ lu bơngai wei triu ăn kơ triu sư 'bĭch pơdơh.

Êsêkiên 25:5

Inh gô ăn pơlei Raba jing tơmăn 'nhĕt ăn kơ seh lăk-đa păng đĭ-đăng pơlei lu bơngai Ammôn pơm anih lu sem dơrong oei pơdơh na lu iĕm gô băt Inh boih Kră Yang.