Jêphania 2:3 - Sơ̆p Hlabơar Nơ̆r 'Bok Kei-Dei

³ Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Jêphania 2:3 Iomraidhean Croise

II Sam 12:22

Pơtao tơl: “Kơplah nge noh oei arih, inh ơ̆t kơ por păng nhơ̆m hmoi yua kơ inh tơchĕng khan: ‘Băt rŏ lăng Kră Yang wă mơnat kơ inh, păng ăn kơ nge noh arih.’

Horiso 105:4

Chă bĕ Kră Yang păng tơdrong pran kơtang Sư chơchă bĕ muh măt Sư ling-lang.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 22:26

Lu bơngai dơnuh hin gô sa phĭ jơnap; Lu bơngai chơchă Kră Yang gô kơkuh bơnê kơ Sư; Ăn kơ jơhngơ̆m ih đei arih ling-lang.

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Horiso 45:4

Hăm tơdrong tơpăt, tơdrong dim iơ̆m păng tơdrong 'lơ̆ng tơpăt, Iŏk bĕ tơdrong tih rŏ Ih năm tŏk kĕ jei, Ti 'ma Ih tơ'bôh dôm tơdrong krưp.

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 76:9

Mưh Kră Yang 'Bok Kei-Dei iung sek tơlang. Wă dŏng pơklaih lu bơngai 'lơ̆ng tơpăt kơpal teh.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Le 12:27

Iĕm athei tơl khan: ‘'Noh wă khan tơdrong pơm giĕng Năm Brih đơ̆ng Kră Yang, kơplah Kră Yang pơrăm lu bơngai Êyiptơ na Kră Yang năm brih rim hnam kon pơlei Isơrael păng pơklaih hnam lu bơ̆n tơpă.’ ” Lăp kon pơlei kơtơ̆ng na kŭp kơ̆l drap kơkuh.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Je 39:18

Inh gô pơklaih ih tơpă, ih huay kơ pơ̆k lôch kơ đao gưm; mă-lei ih gô arih yua kơ ih gơnang kơ Inh Kră Yang khan:”

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Êsêkiên 13:5

Lu iĕm ưh kơ đei năm tơ anih dur pơlei đe pơrăm pơchah hĕch wă hơmet ăn kơ adrĕch Isơrael, wă kơ oei dơ̆ng kơjăp lăm tơdrong tơblah lăm năr Kră Yang.

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Hôsia 7:10

Tơdrong pơang lu bơngai Isơrael pơdah tơbăt boih 'bơ̆t anăp lu sư kơdih, lu sư đei tơ'bơ̆p dôm tơdrong noh ră, mă-lei lu sư ưh kơ wă wih brŏk tơ Kră Yang 'Bok Kei-Dei lu sư kơdih, păng kư̆m ưh kơ chơchă Kră Yang.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Mathiơ 5:5

“Pŭn dêh lu bơngai mă ưh kơ wă pơang akâu sư kơdih, lu sư gô đei iŏk tơmam 'Bok Kei-Dei pơkă.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 4:10

Mă iĕm kư̆m băt 'mêm mơnat kơ đĭ-đăng bơngai lui jơ̆p kơ dêh Masêđôn mơ̆n. Mă nhôn kư̆m wă kơ iĕm rai đunh rai gơh 'mêm mơnat dih băl tơpă.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.