Jêphania 2:11 - Sơ̆p Hlabơar Nơ̆r 'Bok Kei-Dei

¹¹ Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Jêphania 2:11 Iomraidhean Croise

Bl 10:5

Noh boih kon sâu Japhet, kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư. Đơ̆ng lu sư na đei kon bơngai oei jơ̆p kơ bŏl lăm đak dơsĭ păng tơter jih dơsĭ.

Horiso 138:4

Ơ Kră Yang, ăn đĭ kơ lu pơtao lăm teh đak kơkuh bơnê kơ Ih. Mưh lu sư kơtơ̆ng nơ̆r đơ̆ng 'bơ̆r Ih.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Horiso 86:9

Đĭ-đăng lu teh đak mă Ih pơjing, gô năm kơkuh 'bơ̆t anăp Ih, ơ Kră Yang Păng hơri ư-ang kơ anăn Ih.

Êsai 2:18

Lu rup yang gô hiong đĭ.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Êsai 49:1

Ơ lu bơngai oei lăm bŏl đak dơsĭ mơ̆ng Inh bĕ! Ơ lu kon pơlei oei ataih mơ̆ng bĕ, Kră Yang krao iŏk inh đơ̆ng lăm klak mĕ inh. Anăn ăn kơ inh đơ̆ng inh oei lăm klak mĕ inh.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 46:25

Kră Yang Tih Hloh, 'Bok Kei-Dei Isơrael khan: “'Nâu Inh gô phak yang Ammôn, tơ pơlei Thêbes, pơtao Pharaôn, dêh char Êyiptơ păng lu rup yang, lu pơtao sư păng lu bơngai mă gơnang kơ Pharaôn.

Da 11:18

Đơ̆ng noh lu sư weh drong tơ lu bŏl đak păng blah iŏk đei lơ anih. Mă-lei gô đei minh 'nu pơtao găn lê̆ tơdrong sư chă pơrăm đe noh păng pơm ăn kơ tơdrong noh tuh plơ̆ kơ lu sư.

Hôsia 2:17

Yua kơ Inh gô iŏk lê̆ yang Baal đơ̆ng 'bơ̆r sư; wă kơ ưh pă đei bu 'blŏk krao anăn Baal dơ̆ng.

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?

Jêphania 1:4

“Inh gô yơ̆r ti pơm kơ Juđa păng đĭ-đăng kon pơlei oei lăm Jêrusalem; Inh gô tơhiong pơgoh lu yang Baal mă oei oei, dôm lu thây tơm păng 'bok soi lu sư đơ̆ng anih 'nâu.

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Sa 8:20

Kră Yang Tih Hloh khan thoi âu: “Gô đei lơ lu kon pơlei păng lu kon pơlei nai mă oei tơ lăm pơlei tih gô truh;

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Both 32:38

lu yang sa rơmă tơmam soi sư pơyơ̆r păng huch đak sik hơmu lu sư pơyơ̆r, dang ei oei tơ yơ boih? Liơ ưh kơ iung tơgŭm, liơ ưh kơ krôp bơwei lu sư?

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”