Jêphania 2:1 - Sơ̆p Hlabơar Nơ̆r 'Bok Kei-Dei

¹ Ơ kon pơlei mă ưh kơ băt mơlâu! Akŭm băl bĕ, tơpă, athei akŭm băl bĕ!

Jêphania 2:1 Iomraidhean Croise

II Ho 20:4

Lu bơngai Juđa akŭm băl wă krao chă Kră Yang dŏng tơgŭm; lu Sư năm đơ̆ng jơ̆p pơlei oei lăm dêh char Juđa krao chă Kră Yang.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Ne 9:1

Năr 'bar-jĭt puăn lăm khei noh, kon pơlei Isơrael akŭm ơ̆t kơ sŏng sa asu 'bi păng pung 'mui teh tơ kơ̆l lu sư.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Jôel 1:14

Hơmet bĕ kơ tơdrong ơ̆t kơ por, krao akŭm tơpôl lơ. Akŭm bĕ lu kră păng đĭ-đăng lu kon pơlei pơla lăm teh đak năm tơ hnam Kră Yang 'Bok Kei-Dei lu iĕm, păng krao apinh bĕ Kră Yang!

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”