Jêphania 1:6 - Sơ̆p Hlabơar Nơ̆r 'Bok Kei-Dei

⁶ hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Jêphania 1:6 Iomraidhean Croise

II Sam 22:22

Inh wei răk kiơ̆ trong Kră Yang bơtho. Ưh kơ đei pơm kơnê̆ achăng lê̆ Kră Yang 'Bok Kei-Dei inh.

II Ho 15:13

Bu mă ưh kơ chă Kră Yang 'Bok Kei-Dei Isơrael gô pơlôch, mă 'lơ̆p mă jŏ, drŏ-nglo dah drŏ-kăn.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 43:22

Mă-lei, ơ Jakôp, iĕm ưh kơ krao apinh Inh! Ơ Isơrael iĕm đĭ bơ̆l kơ Inh bơih!

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Hôsia 7:10

Tơdrong pơang lu bơngai Isơrael pơdah tơbăt boih 'bơ̆t anăp lu sư kơdih, lu sư đei tơ'bơ̆p dôm tơdrong noh ră, mă-lei lu sư ưh kơ wă wih brŏk tơ Kră Yang 'Bok Kei-Dei lu sư kơdih, păng kư̆m ưh kơ chơchă Kră Yang.

Hôsia 7:7

Đĭ-đăng lu sư tơtŏ thoi tơnuh ŭnh, đơ̆ng noh sa lu kră sek tơlang, đĭ-đăng pơtao lu sư huŏng boih mă-lei ưh kơ đei bu lăm lu sư krao chă Inh.

Jêphania 3:2

Sư ưh kơ 'maih mơ̆ng đe ôh; ưh kơ wă chu kơ đe teh bơtho; ưh kơ wă gơnang kơ Kră Yang; ưh kơ năm jê̆ Kră Yang 'Bok Kei-Dei.

Rom 3:11

Păng ưh kơ đei bu hlôh wao tơdrong 'Bok Kei-Dei, yua kơ ưh kơ đei bu wă chă Sư.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.